SUPERBALITA CEBU

10,000 ka seedlings ipangtanom

ANG Cebu City Government ubos sa “Green Cebu City” project ni Mayor Edgardo Labella motanom og 10,000 ka seedling sa tulo ka mga lugar sa Dakbayan sa Sugbo karong Oktubre 5.

Si Labella niingon nga kini maoy unang lakang pagtuman sa “3 million trees in 3 years”, diin ang Siyudad matanom sulod sa iyang unang termino isip mayor sa siyudad.

Si Atty. Jigo Dacua, pangulo sa City Environment and Natural Resources Office (CENRO) kinsa maoy gitudlo ni Labella nga maoy mangulo sa Task Force, nagkanayon nga lakip sa lugar nga ilang tamnan mao ang Barangay Babag, Guadalupe river ug tipik sa South Road Properties (SRP).

Ang mga kawayan ug dakit maoy ilang itanom sa Guadalupe river samtang Narra ug Tugas adto sa Babag ug sa SRP.

Salmutan ang pagpananom sa libuan ka mga kawani sa City Hall. Ang mga seedlings gikan sa Department of Agriculture (DA), Ramon Aboitiz Foundation Inc. (RAFI), Dept. of Environment and Natural Resources (DENR) ug City Agriculture.

Lakip sa mga sakop sa Task Force nga himoan og executive order ni Labella mao ang Department of Engineering, City Agriculture Department, Human Resource, Parks and Playground, General Services, City Planning ug Administrators Office.

Sa mga national agencies, kini naglakip sa Department of Education, Commission on Higher Education, Department of Public Works and Highways, DENR ug DA.

Na postpone

Ang mayor nagkanayon nga una nilang schedule karon untang Septiyembre 29 apan ilang giuswag.

Kini human adunay daghang mga non-government organization, academe lakip na ang Integrated Bar of the Philippines (IBP) nga nipadayag sa ilang kaandam pagsalmot sa bag-ong programa ni Labella.

Ang mayor niingon nga nakatabang usab ang pag-oktaba sa petsa sanglit mahatagan sila og usa ka semana nga lugway para sa preparasyon.

Si Dacua nipahibawo nga mahimong mokontak ang gustong moboluntaryo sa ilang hotline, 0956-7208-970 ug 032-253-6362 ug 411-0156. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph