MAAYONG adlaw! Siguro nakadungog na mo sa atong hisgutanan apan hatagi ako’g higayon nga lakbitan kini.
Alang sa wa pa nasuhito, ang “7S of Good Housekeeping” usa ka pamaagi sa pag-organisa sa mga matang nga adunay kalabotan sa atong kalamboan isip mamumuo ug negosyante, bro.
Ang buhatan sa Department of Labor & Employment (Dole) inabagan sa National Wages & Productivity Commission (NWPC), nagpahigayon og 7S on Good Housekeeping Seminar Workshop alang sa mga piniling negosyante sa siyudad sa Panabo, probinsya sa Davao del Norte. Thanks po.
Gikan sa mga Hapon ang ideya sa “7S of Good Housekeeping.” Nagtumong kini sa pag-atiman sa balay o trabahoan aron mahimong produktibo, epektibo ug episyente ang pagdumala niini.
Atoa sab tinagsaon ning pito ka pulong nga nagsugod sa letrang, “S:” Sort - mao ang pag-ila ug arrange sa mga butang sa atong balay o trabahoan nga importante ug dili na kinahanglan. Hipuson og tarung ang gamiton pa. Ihatag, ipakilo o ilabay properly ang dili na.
Systematize - mao ang paghan-ay sa mga butang base sa saktong butanganan ug ang kadaghan sa paggamit niini. Ato kining butangan og label plus ilista aron dali matultulan kung gamiton na.
Sunod kay Sweep o ang pagpanghinlo sa atong palibot ug mga butang nga nagamit. Ibalik kini sa gikuhaan ini’g human. Dili pwede dinamak, igsuon.
Standardize o ang pagsunod ug pagpadayon sa taas nga sumbanan sa pagpanghinlo. Dapat segurohon nga naa sa maayong kondisyon ang atong mga gamit sa panarbaho.
Safety mao ang pagseguro nato kung ang lugar trabahoan, mga makina o materyales gamiton dili makadisgrasya o mokuha sa kinabuhi nato ug sa kadaghanan. Syempre, safety first.
Self-discipline ang gikinahanglan aron mahimo nato kining tanan! Una sa gayud ang kaugalingon aron kita magmalampuson. Ginagmay sakripisyog agwanta aron mahapsay ug luwas ang pagpanginabuhi ta.
Ug ang kinaulahiang “S” mao ang Sustain. Anugon ang bisan unsa natong nasugdan kung mangundang kita sa tunga-tunga o kinaulahian, rayt? Atong nasugdan masayang lang maong, go... go... go!!!
I believe nga kung kugihan ug sistematiko ang atong pagpanginabuhi, mahimo kitang mas produktibong indibidwal sa katilingban.
Gamiton ang mga maayong pamaagi ug sangpit gayud sa Diyos pirmi - makalahutay gayud kita nga malipayon sa bisan unsang sitwasyon.