KAPIN sa 24,000 ka mga mahiligon sa lumba sa dagan ang magginukdanay sa nanag-unang kadalanan sa dakbayan sa Sugbo sa 42nd Milo Marathon Cebu Leg nga gikatakda ugma.
Ang lumba, nga gilangkuban og 21-kilometer, 10K, 5K ug 3K nga mga kategoriya, manukad sa Cebu Normal University ug mosangko sa Cebu City Sports Center.
“This is edition is the third largest in terms of number of participants since I came in as the local race organizer for the Milo Marathon,” ni Cebu leg local organizers Ricky Ballesteros kagahapon sa presscon sa Cebu Grand Hotel.
Gipasabot ni Ballesteros, kinsa napasidunggan na isip Best Organizer ning matag tuig nga lumba, nga ang labing daghang mga partisipante nga nakaapil sa iyang nadumala nga lumba miabot og 27,000 nga nahitabo niadtong 2002.
“When I came in 2002 we racked up about 27,000 participants, the starting line back then was at the Cebu Business Park. There were still no buildings that time,” paghinumdom ni Ballesteros.
“The next year (2003) we had 25,000 runners and that was the second largest since I took over.”
Gipasabot ni Ballesteros nga ning higayuna, gilimatahan na lang nila ang mga partisipante aron maseguro ang kaluwasan sa tanan.
Ang gidaghanon sa mga rehistrante sa Sugbo maoy ikaduha sa napahigayon nang daan nga regional legs sunod sa Manila, nga nakahakot og dul-an sa 30,000 ka mga partisipante.
Ang national finals, nga naandang ipahigayon matag Disyembre, giuswag karong Enero 19, 2020 aron paghatag og agianan sa 30th Southeast (Sea) Asian Games nga i-host sa nasod karong Nobiyembre 30 hangtod Disyembre 11.
“The theme for this year is “One Team. One Nation. Go Philippines. This is to show our support to the national athletes who will be competing in the Sea Games,” asoy ni Nestle Philippines sports executive Lester Castillo.
Sa laing bahin, ang Nestle Philippines, nga maoy tiggama sa Milo, padayon sa pangpanghatag og running shoes sa pampublikong mga tunghaan aron magamit sa ilang batan-ong mga estudyante.
Ang mga benipisaryo ning tuiga mao ang Cebu City Central School ug Camp Lapu-Lapu Elementary School.
Matod ni Castillo nga sukad nila sugdi kining maong gimbuhaton niadtong 2019, miabot na sa 85,000 ka mga parisan sa sapatos ang ilang naapod-apod. (ESL)