Tambagi ko Noy Kulas: Nabalaka sa virginity

DEAR Noy Kulas,

Tawga lang ko og Sonia, 34 years old. Akong problema is about sa akong lovelife. Ako man gud boyfriend gusto nga magminyo na mi kay lima ka tuig na mi sa among relationship. Gusto na kaayo siya nga makaanak kay 40 years old na siya.

Noy, sa among lima ka tuig nga relationship, wa ko niya hilabti kay para niya ang sex himuon lang sulod sa marriage. Na-guilty ko ani kay duha na ka mga lalake ang nakahilabot nako sa wa pa ko moabot sa iyang kinabuhi. Basin ba mahibung siya kon iyang mabantayan nga di na ko virgin. Mao ni naproblema na ko karon.

Maayo kaha nga ako siyang sultihan sa akong experiences kaniadto? Wa man gud ko mosulti niya kay worried ko kaniadto nga basin di siya mopadayon pagpanguyab ug buwagan ko niya dihang uyab na mi. Wa man sab siya mangutana nako parte sa akong past. Please tambagi ko.

SONIA

Sonia,

Ayaw na lang na hisgoti niya kon di siya mangutana o mohisgot kabahin sa imong kagahapon kay bisan unsaon, di man siya parte kon unsa ang imong kinabuhi kaniadto. Kay kahibawo ka, basta lalake gani, kini nga topic init kaayo kasagaran sa amoa. Mao ni ang isyu nga di angay nga ang babaye mobukas kon di man gani mohisgot ang lalake kalabot niini. Alang sa ubang mga lalake, sensitibo kaayo ni nga hisgutanan.

Kon mangutana siya kon duna bay lalakeng nakauna niya, just be honest with him. Sultihi siya sa tanan. Kon mangutana siya nganong wa ka mosulti kaniadto, ingna siya nga wa sab siya mangutana. Mailhan dinhi kon unsa kalig-on ang iyang gugma nimo, kon ipatigbabaw ba niya ang gugma ibabaw sa garbo. Masukod usab dinhi kon unsa siya ka lig-on isip hinigugma ug umaabot nga bana.

Nabalaka ka man kaha sa imong “virginity,” naa may mga pamaagi nga kuno maka-restore. Nakadungog ko sa usa ka kaila nga mokonsulta ka og ob-gyne nga doktor kon unsaon. Basin naa tuoy pamaagi. Apan alang lagi nako, di ni angay nimong ikabalaka kay wa man siya maghuna-huna niana. Kon wa siya maghisgot, ayaw pagsige og huna-huna niana.

NOY KULAS

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph