SUPERBALITA CEBU

Albor: Pagbalik ni Super Gwen

Sandiganan

UNANG gobernador nga nasublian sa duha ka hugna. Nakaangkon og makabungog nga kadaogan. Gihulagway nga Supergwen. Napiling Outstanding Governor, Outstanding Congresswoman, Deputy Speaker ug Most Influential Women sa tibuok kalibotan. Nakatunol og daghang proyekto ug serbisyo.

Pagtunob og balik sa hawanan sa Kapitolyo misumbalik-lantaw sa suway pagbuak sa Sugbo apan wala molampos ang maong tinguha iyang gipahimugso ang One Cebu. Nanumbalik kadtong gipahamtang nga suspenso gikan sa maginukdanong administrasyon sa LP nga migamit sa kanhi heneral nga maoy nangharas nga karon nagtago-tago kay usa diay ka drug protector.

Hiusahon ni Gov. Garcia ang mga mayor. Palamboon ang bulto sa tinubdan sa tubig. Pagpanalipod sa kalikopan. Tagdon ang kabtangan nga napasagdan. Sulbaron ang nagkagrabi nga dagan sa trapiko pinaagi sa mass transport system. Koleksyon sa basura pinaagi sa waste-to-energy ficilities. Dugang pasilidad ug epiktibong serbisyo sa mga provincial ug district hospitals. School supplies ug abag sa tanang sektor. Ibalik ang Pasigarbo ug Suroy-Suroy. Limpyohan ang CPDRC. Padayong pakigbatok sa ilegal nga drugas, sugal ug rebelde. Insurance coverage sa mga kawani ingon man mga opisyal ug nanarbaho sa barangay pinaagi sa GSIS. Mopaambit ang pito ka component cities og 30 porsento sa ilang real property tax walay labot ang Lapu-lapu ug Cebu City kay highly urbanized.

Kusganong pagpahunong sa quarry operations. Pagsuspenso sa sand and gravel permits ug ang dili pagproseso sa tanang aplikasyon sanglit susihon pa. Gipasubay ang mga proyekto sa engineering office. Pag-recall sa mga sakyanan ug ekipo nga gitugyan pinaagi sa memorandum receipts. Mando sa pagpaundang sa ilegal nga katukoran sa 20 ka andanang resource center. Pagpaguba sa canopy o walkway shade nga wala mobagay sulod sa kapitoyo. Pamayran ang mga kontraktor sa nahauna niyang pangalagad nga wala tagda og bayad sa nagsunod niya. Gipasubay ang performance sa 4,021 ka mga regular, casual, job order, contract of service lakip na niadtong pag-abiso sa midnight appointments ug transactions.

Ibalik ni Garcia nga debt-free ang Kapitolyo ug number one province sa tibuok nasod in terms of infrastructure nga natagak sa ika-45 sumala sa National Competitiveness Council. Hinoon nagpabiling richest province ang Sugbo in terms of assets sumala sa COA panahon pa gani ni Gov. Pabling Garcia sanglit magtubo man ang bili sa kabtangan. Sa pagbalik ni Gwen angayng ibandilyo “Cebu will be great again”. (csa_1156@yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph