KUNG nakamatikod ka, ang mga Pinoy nga nanrabaho gawas sa nasod nabantog nga mga kugihan, disiplanado ug maayong mamumuo. Apan diri sa ato kay lagi nagsalig man nga inato, dugay, gahi ug lisod kaayo pa sundon bisag mga simpling balaod sa inadlaw-adlaw nga tulomanon ma balay, eskwelahan ug trabahoan.
Kung atong balikan, kadtong mga Baby Boomers ug mga Generation X nga natawo niadtong mga 1950’s ngadto na sa mga 1970’s, nga gipang-matuto sa ilang mga ginikanan ug mga magtutudlo pagsunod ug subay sa GMRC kon Good Manners and Right Conduct, mas matinahuron, buotan, maikugon, kugihan ug matinud-anon.
Karon, maka-ingon ta nga maihap na lang ang mga batan-on labi na ang mga Millennials ang nagsunod ini maong nakahatag kini og kabalaka ug kasubo kay nagka-anam og kadaghan ang mga batan-on ug bayong-bayong nga nahisalaag sa dalan ug napunta sa kangit-ngit.
Ang uban nga mga masupilon ug suberbiyo nangapriso, nang layas ug ang uban sayong na disgrasya ug mipanaw.
Mao sab ning rason nganong mipasaka si Majority Leader sa Senado, Senador Miguel Zubiri, sa Senate Bill No. 310 niadtong Hulyo, nga gi-ulohan og GMRC Act nga ipahigayon pagtudlo sa tanang hut-ong sa elementarya ug high school.
Puno ni Zubiri bisag dunay Values Education nga apil sa curriculum ang Department of Education, kuwang gihapon kini sa pagdisiplina sa mga bata. Gani nagka-anam man gihapon og ka daghan ang mga batan—on nga nakalapas sa mga balaod ug nagka-taas sab ang mga krimen sa sulod ug gawas sa mga panimalay. Kasagarang nakalapas sa balaod mga bayong-bayong pa.
Puno ni Zubiri nga ang mga bata nga magdako sa pagmatuto sa GMRC mas disiplinado, kahibalo mohatag og respito, ug mangayo og pangatahuran labi na sa mga nag-una sa duyan. Iya kining gitandi sa nga batan-on sa nasod nga Singapore ug Japan.
Ako nalipay ug sipa nga mo pakpak kung matigayon ang pagbalik sa GMRC kay gawas nga menus kini sa gastos, matabangan sab ang mga ginikanan sa pagdisiplina sa ilang mga bata.