MGA tinun-an sa Talisay City nga buot makatungha sa kolehiyo, human sa ilang pag-graduate sa grade 12, apan naglisud sa pagtungha sa gitinguha nga kurso, tungod sa kwarta, wala na unyay problema.
Gilusad ni Talisay City Mayor Gerald Anthony Gullas, Jr. ang ’Cream of the Crop Program’ alang sa mga utukan ug nagtinguha nga makahuman sa kolehiyo, apan naglisod sa kwarta.
Gilusad kini, Huwebes sa buntag, Septiyembre 26.
Mismo ang school board pinanguluhan ni Department of Education (Deped) Talisay City Division Superintendent, Dr. Arden Monisit ang niumol sa guidelines.
Karon buot nila tutukan kadtong adunay extra nga abilidad sa syudad.
Base sa ilang pagtuon, nga sa 2018-2019 nga graduate sa grade 12, sa 1,000, 369 niini wa nakatungha sa kolehiyo, 13 kanila mga honor students. (FMD)