WALO ka mga lalake nasikop human nasakmit ang liboan ka mga wa ug dunay sulod nga illegal nga refilled butane canisters sa Biyernes sa kaadlawon sa Soong Center, Brgy. Mactan, Dakbayan sa Lapu-Lapu atol sa operasyon sa City Mobile Force Company sa Lapu-Lapu City Police Office (LLCPO).
Nasikop mao sila si Dionesio Suplaag, 48, taga Purok Limonsito, Brgy. Umapad, Dakbayan sa Mandaue; Gleen Nuñez, 26; Angelou Cal, 20; Randy Suplaag, 44; Anthony Rey Cal, 23; Arjay Hatamosa, 20 ; Ricky Torrejas, 18; ug Aljun Torrejas, 22, pulos mga lumolupyo sa dakbayan sa Danao.
Pinanguluhan ni Police Lieutenant Colonel Dexter Calacar, nasakmit sa kapulisan ang 2,900 ka butane canisters, 192 niini ang may mga sulod samtang 2,708 ang sudlan pa.
Nakuha usab sa operasyon ang 23 ka mga improvised refilling device ug 16 ka mga dagkong tangke sa liquiefied petroleum gas (LPG) nga may gibug-aton nga 50 kilos. (ANV)