“SHE will make it,” mao ang positibong pamahayag ni Team Philippines Chef de Mission ug Philippine Sports Commission chairman William Ramirez atol sa courtesy visit ni double-bronze IWF World Weightlifting Championships bronze medalist Hidilyn Diaz niadtong Huwebes, Septyembre 26, sa the Rizal Memorial Sports Complex.
Ang 28-anyos nga si Diaz nidaug og duha ka bronze medals sa 55kg division human nihakwat og hiniusang gibug-aton nga 214kg sa snatch and clean and jerk categories sa maong torneyo. Nagkinahanglan siya og duha pa ka kompetisyon aron nga lig-unon pa ang iyang “slot” sa Tokyo Olympics.
Gidawat ni Ramirez ang three-time Olympian Diaz, Samahang Weightlifting ng Pilipinas (SWP) President Monico Puentevella, ug uban pang mga national weightlifting team nga makigtigi sa Pattaya, Thailand gikan Septyembre 18 hangtud 27.
Pagtimbaya sa kadaugan ni Diaz sa bronse, sulti ni Ramirez nga “Para sa akin, gold medal iyon,” ug dugang nagsulti nga positibo siya nga si Hidilyn modaug og medalya sa taliabot nga 30th Southeast Asian Games, kon diin maoy usa sa tulo ka qualifiers nga iyang tigian isip kabahin sa iyang biyahe ngadto sa Olympic.
“I would like to thank the PSC and other sponsors for their continuous support to my campaign. Now, I will continue on my mission to qualify and win gold in Tokyo, and also represent the country for the SEA Games,” pasalamat ni Diaz, kinsa malaumon alang sa iyang unang gold medal finish sa SEA Games sa Nobyembre.
Gipasalig ni Ramirez kang Diaz nga ang sports agency maoy mogasto sa iyang tulo pa ka laing qualifying competitions.
Samtang gipasalig ni Diaz nga iyang tutukan ang iyang misyon nga modaug og Olympic gold ug iyang desisyonan unya kon makigtigi pa og laing Olympic nga maoy iyang ikalima.
Gibutyag ni Puentevella nga gawas kang Diaz, tulo pa ka mga weightlifters gitakda nga mo-qualify alang sa Tokyo 2020 Olympics.
“We are also looking at our veteran weightlifter Nestor Colonia, Elreen Ando and Kristel Macrohon to join Hidilyn to qualify and compete in Tokyo.”
Giawhag ni Ramirez ang publiko nga suportahan ug i-ampo si Diaz, ug di ipresyur sa mosunod nga mga bulan.
“The government will continue to give its utmost support for Hidilyn and all our competing athletes in the Southeast Asian Games,” pagdeklara sa sports agency chief.