SULOD sa kinse ka tuig, si Police Major Jason Baria dunay dedikasyon sa kinabuhi isip public servant pinaagi sa paghatag og impormasyon labot sa sitwasyon sa kahapsay ug kalinaw sa Davao Region.
Ang atong bida karong adlawa, usa ka 34-anyos kinsa mao ang kasamtangan nga Public Information Office (PIO) chief sa Police Regional Office (PRO)-Davao, nga gianak sa Masbate City sa Bicol Region.
Sumala niya nga gikan pa niadtong gamay pa siya, wala siya magdahom nga mamahimo siyang police officer, bisan paman nga ang iyang amahan usa ka retirado gikan sa Philippine Constabulary.
Atol sa iyang koliheyo, una siya misulod sa Philippine National Police Academy (PNPA), mikuha siya og kursong Civil Engineering sa Divine Word College sa Legazpi City sanglit ganahan kaayo siya og Mathematics kay gusto niya nga mahimong engineer.
Samtang sadya siya sa iyang mga adlaw sa koliheyo, usa ka oportunidad ang miabli uban sa pagdasig kaniya sa iyang mga ginikanan nga mokuha og PNPA entrance examination.
Wala suma pa kadto sa iyang mga plano. Nagduha-duha pa siya sa maong mga takna, apan ang iyang amahan ang nagdasig gayod kaniya.
Tuod man, mipasar siya luyo sa kamatuoran nga di niya pamilyar ang PNPA niadtong mga taknaa gumikan mas pamilyar pa kaniya ang Philippine Military Academy (PMA).
Luyo niadto, mipatigbabaw sa iyang hunahuna ug kasingkasing ang maayong sweldo, maayong kinabuhi, seguridad sa trabaho, nga maoy mituklod gayod kaniya sa mga tyansa nga mao sab ang nasulti kaniya sa iyang amahan.
Nadugangan ang pagtuo nga sa moabot nga panahon, mas matabangan pa niya ang iyang pamilya. Bisan paman, ang iyang mga ginikanan pulos nagtrabaho sa gobyerno.
Dihang anaa na siya sa PNPA niadtong Abril 2004, iyang nabati nga anaa na gyud sa iyang dugo ang pagka-law enforcer.
Sa iyang pagsulod sa organisasyon, anaa sila sa 200 cadets nga mipasar sa examination apan 20 cadets ang gilayong natanggal atol sa unang adlaw sa training, apan kaniya nagpabiling lig-on ang pagtuo, matag karon ug unya, gidasig ang kaugalingon aron makab-ot ang pangandoy ug migradwar niadtong Marso 28, 2008.
“Iba talaga ang buhay sa loob ng academy but kung meron kang goal sa buhay, talagang kaya mo yan at malalampasan mo. During that time ang akin lang iniisip is to finish the academy, to have a good life at the same time service to the people,” ingon ni Baria kinsa nakaluwas sa daghan kaayong training.
Dihang nahimo na siyang lieutenant, ang una niyang assignment didto kini sa Mati City, Davao Oriental isip deputy for operation and administration, dayon nadestino siya sa Baganga Provincial Mobile Group.
“I realized na ito yong tatahakin ko na landas. For me, ang principles ko lang sa life, kung sa tingin ko pangit ‘yong pinapagawa sa akin at may instruction sa akin, vine-verify ko muna kung tama ba ‘yon o hindi. Once I see na hindi kaaya-aya, I always tell no,” dugang ni Baria.
Sa pagdagan sa mga takna gikan sa intelligence division, gihimo siyang PIO sa PRO 11 ubos sa pagdumala ni regional director Brigadier General Marcelo Morales.
“That’s why ang pagiging PIO ko ngayon is very new to me. Dati noon nagtatago ako sa media, ngayon I’m very open kaya sabi ko non ‘yong intel officer ngayon nagiging information officer na ngayon,” niya pa.
Gumikan sa maayong pagdala sa ranggo ug paghatag og serbisyo sa publiko, nasaligan siya ug nahimong tingog sa PRO 11 kung unsay kasikas sa sulod.
Pasyon ug dedikasyon ang mipatigbabaw sa kasingkasing ug hunahuna ni Police Major Baria nga maoy iyang tulay kung asa siya naabot karon.
Ang pasyon ug dedikasyon makaplagan lamang kini kung paunsa nato gidasig ang kaugalingon bisan paman sa daghang mga pagsulay.
Makab-ot nato kini uban sa pag-ampo sa Diyos ug ang pagtuo nga kung dunay kakugi, mag-ani ka gayod sa imong mga tinanom ug mamahimo kang maharuhay karon ug sa umaabot.
Busa kanimo, Police Major Jason Baria, saludo kami kanimo!
(Ang maong istorya miguwa sa SunStar Davao alang sa Saturday’s Focus section sa pinulungang English, ug gihubad kini sa Cebuano ni Jeepy P. Compio)