SA linghod nga pangidaron, nangandoy na si Reckenvia Leah “Via” Cortes nga mahimo nga usa ka magtutudlo.
Gusto niya matudloan ang mga tawo nga dili makamao mobasa ug mosuwat sa iyang mga nakat-unan sa eskwelahan.
Ang mahimo nga maestra ang usa sa mga wish ni Via sa pagsaulog sa ikapito nga kasumaran sa iyang adlaw nga natawhan niadtong Septiyembre 18.
Ang birthday party gihimo sa panimalay sa iyang mga apohan nga sila si Boy ug Ercilla Villagorda sa lungsod sa Pio V. Corpuz, lalawigan sa Masbate.
Sa selebrasyon, nagkapundok og balik ang mga miyembro sa ilang pamilya, mga ig-agaw ug ilang mga higala.
Naa usab sa party ang mga amiga ug amigo ni Via nga nabusog sa ilang gikaon nga spaghetti. Sila nakadawat og loot bags nga may mga sud nga candies, duwaan, lapis, eraser ug uban pa.
Hilabihan ang kalipay ni Via dihang nakadawat siya og regalo gikan sa iyang inahan nga si Leah, ang iyang paborito nga stuffed toy nga usa ka mermaid.
Si Leah nanghinaot nga matuman sa iyang anak ang pangandoy niini mahimo nga usa ka maestra uban sa pag-atiman, paggabay ug pagpaluyo sa iyang mga ginikanan ug mga apohan.