DAVAO DEL NORTE -- Bongga ug pak na pak ang subling pagbukas, uban pa ang mas gipalami nga mga pagkaon sa Garden Dreanca Café and Restaurant.
Ang cafe nga gipanag-iyahan ni Letecia G. Jadia, makita sa Purok 8-B, Curbada, Magdum, sa Tagum, wa lamang magtanyag sa lamiang pagkaon, apan uban sab niini ang maayong serbisyo, ug nindot nga lugar.
Septyembre 28, ning tuig, subli nga nagbukas ang café diin ang artistang si AJ Muhlach usa sa pinasidunggang bisita.
Ang lugar perfect asa magka-bonding ang pamilya ug tropa nga buot sab nga makatilaw sa lamiang pagkaon.
Ang aktor, nakadayeg sa lamiang menu sa Dreanca nga say pa pinasahi ang lasa niini nga wa pa niya matilawi sa mga dagkong resto sa Manila.
Bida sa ilang menu ang Croc Sisig, pinasaheng litson kawali, baby back ribs, ug daghan pa.
Magbukas ang resto alas 5:00 sa buntag hangtud sa alas 11:00 sa gabii kon diin sa buntag naga-serve sila sa init nga kape partner ang lamiang cakes.
Samtang sa gabii maka-order ang mga kustomer ug mabugnaw nga mga ilimnon samtang maglingaw-lingaw kauban ang pamilya ug barkada with matching live band and acoustic.
Gawas sa mga walk-in customer bukas sab sila sa catering alang sa kasal, bunyag, birthday, ug uban pa sa ubos nga kantidad.
Giplano usab sa tag-iya nga si Letecia G. Jadia nga mag-andam sila og niluto daan alang sa mga konsumante nga nagdali, samtang pagka-gabii ang unli barbeque.
Luyo sa lamiang putahe gipasalig sab nila nga di sakit sa bulsa ang presyo sa ilang produkto. (PR)