SUPERBALITA DAVAO

Genoguin: Gibaligya og balik?

Kontra Balanse

SUKAD sa kasaysayan sa nanglabay nga presidente sa atong nasud, kining droga maoy nag-unang problema sa atong gobyerno.

Sa pagkatinuod, kompleto kita sa mga pasilidadis aron pagditik kung duna ba’y droga nga makasulod sa atong nasud ug higpit ang pagbantay sa atong mga sinaligang otoridad, aduna pa’y Philippine Drug Enforcement Agency (PDEA) nga ang operation mao ang pagtutok sa mga ginadili nga drogas.

Sukad nahimong presidente si Mayor Rodrigo Duterte, dinhi nato nahibaw-an nga yano lang diay kaayo ang pagsulod sa mga shipment sa droga gikan sa China diha sa Bureau of Customs (BoC) namatud-an kini sa panahon ni Nicanor Faeldon ug Isidro Lapeña.

Sa atong namatikdan walay klaro nga shipper, ug wala sab klaro nga consignee, gikan pa-gyud kaniadto, hangtud karon sa panahon ni PRRD ngano ka ha? Unsa kaha'y buot ipasabot niini?.

Usahay bitaw kita maoy mangutana, pero kay wamay motubag, kita nalang ang magbuot-buot sa pagtubag, ma-insakto man kini o dili. Maka-ingon kita nga wala ka ha ta gi-drama-drama sa gobyerno?

Sa kahigpit sa mga bantay nato malutsan pa gyud ta nga grabi man kaayo ang kapungot ug kayugot sa atong presidente niining droga?

Kaniadto mga miyembro lang sa mga botitingoy nga pulis ang nalambigit sa ginadili nga droga? Karon por-diyos-por-santo, ang pinakatag-as na og ranggo sa Philippine National Police (PNP) mao nay hawod ug nagpakasapi, bantog ra, inig retired nila mga milyonaryo na ang mga tunto?

Naa kunoy mga walo ka General nga sangkot sa drugs recycling, kon droga nga sinakmit, gibaligya pag-usab, ang mga pangalan niini anaa na sa atong presidente, gikan kini sa kanhi Criminal Investigation and Detection Group (CIDG) Benjamin Magalong nga karon Mayor na sa Baguio City, sa dihang gi-imbestigahan sa Senate blue robbon committee.

Karon, anaa na kang PRRD ang mga pangalan niini, ang dako nga pangutana, wala kaha'y cover-up niini? Iyagyag gyud ka ha sa atong presidente ang mga pangalan niining mga pipila ka general sa pulis nga may dako nga babag sa iyang kampanya batok sa ginadili nga droga?

Tuhoan pa ka ha sa mga subordinate sa yanong kapulisan ang ilang labaw nga labaw pa nga badlongon? Dili ka ha yagayaga-an nalang sa mga sibilyan ang mga pulis luyo sa mga pagpaningkamot sa presidente nga gi-una pa og usbaw ang ilang sweldo tapos maoy utok sa pagbaligya sa mga sinakmit nga droga?

Hinuon kini pipila lang, pero kon dili kini aksyonan, inutil ang hanay sa atong kapolisan kay sila nga mga heneral dili naman unya tuhoan sa ilang mga sumusonud.

Unsay desisyon karon sa atong presidente karon? Atong hulaton kon makaako ba siya pagbulgar, kay sila active pa ra ba.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph