SUPERBALITA DAVAO

2 patay, 11 samaron sa nahulog nga dyip

KALAMANSIG, Sultan Kudarat -- Duha ang patay ug 11 ang naangol sa nahulog nga dyip sa pangpang alas 2:25 sa hapon niadtong Sabado, Septiyembre 28, sa probinsiya sa Sultan Kudarat.

Giila ang mga nakabsan sa kinabuhi nga sila Jamil Ampatuan Guiampaca, 20-anyos, ug Naif Pagatan Etto, 7-anyos, mga molupyo sa Cotabato City.

Naangol sab sila Nasrudin Usop Rajamuda, 17; Jehan Salik Kusain, 17; Henry Sandang Abdul, 15; Jojo Guiampaca Gandawali, 19; Olsen Balbaran, Wahida Usop Rajamuda, Alan Guiampaca, 41; Datumanot Usop Rajamuda, 17; Gina Gandawali Manise, 14; ug Faisal Guiampaca Esmael ug Alicia Gandawali, 18.

Sa taho gikan sa Kalamansig PNP nga samtang sakay ang mga biktima sa kolor green nga Bongo Mazda nga pampasahero nga dunay plaka nga MAA-4365 gikan sa Cotabato City paingon sa Balut Island sa Kalamansig Sultan Kudarat aron mangaligo.

Apan pag-abot nila sa Sitio Babancao, Barangay Paril, Kalamansig Sultan Kudarat kalit lang nawad-an og preno ang dyip sa dulhugon nga parte sa kalsada.

Wala na makontrola sa drayber nga si Sammy Sedik Alimao ang manobela og diritso nga nahulog sa bung-aw.

Abtik sab nga nagresponde ang mga rescue volunteers sa Kalamansig

Municipal Disaster Risk Reduction and Management Office (MDRRMO) ug gidala ang mga samaron sa Sultan Kudarat District Hospital, apan gibalhin dayon kini sa Cotabato Regional and Medical Center (CRMC) sa Cotabato City.

Kadaghanan sa mga biktima mga estudyante nga nagkasabot nga maligo sa Balut Island.

Sa kasamtangan ang kapulisan sa Kalamansig ang padayon nga nag-imbestiga kalabutan sa maong hitabo. (Edgar Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph