DEAR Tita Heart,
Maayong adlaw kanimo ug sa mga suki sa Superbalita. Tawga ko sa ngalan nga Celine, 24, taga CdeO. Akong mama tita gusto niya ipagminyo kog foreigner. Wala man noun siya gihimo pero sige siya ingon nga kung pinoy nga walay trabaho lang daw akong pilion maayo padaw og foreigner. Tita dili ko gusto but-an kinsa akong pilion kay gusto ko ako ang magbout para sa akong kaugalingon. Unsa man akong buhaton tita nga halos adlaw-adlawon man ko sa akong mama pag remind ani. Sa pagkakaron wala gyod koy planong manguyab tita.
Celine
***
Hello Celine,
Siguro pag-tan aw sa imong mama nga kung maminyo sa foreigner hayahay kaayo ang kinabuhi. Daghan man gyod ang hayahay pero dili sab tanan kay swerte swerte ra gihapon ug ubanan sa pag-ampo. Ayaw lang siguro kaayo ikasakit ang sige remind sa imong mama ug kung unsay imong pilion maoy tumana kay sa umaabot ikaw raba ang mag-ipon sa lalaki nga imong ikauban, pinoy mana o foreigner.
Tita Heart