MOABOT na sa P17 milyones ang nahatag sa buhatan sa Department of Interior and Local Government (DILG) Region 10 sa mokabat 251 ka mga nanurender nga kanhi sa sakop sa New People's Army (NPA).
Gibutyag ni DILG 10 Regional Director Arnel Agabe nga sugod lamang kini niadtong tuig 2018 hangtod karong bulana.
Gipasabot ni Agabe nga parte kini nga assistance sa programang E-Clip kon Enhanced Comprehensive Livelihood and Integration Program (E-CLIP) sa gobyerno.
"Gipaayo ni Presidente Duterte kini nga programa aron madasig nga mobalik sa sabakan ang atong kaigsuoanan sa pagkakaron nga naa sa luyo," matud ni Agabe.
Gipasabot niini nga ilang buhatan adunay ihatag nga immediate asisstance nga P15,000 laing livelihood assistance nga P50,000 ug ang reintegration assistance nga P20,000.
Aduna pay bayad ang ilang armas nga isurender ug kung pila ang value niini doblehon ang bayad niini kung isurender.
Gawas sa maong benipisyon makadawat sab sila og assistance pinaagi sa TESDA, DSWD, LGU ug uban pa.
Sugod sa tuig 2018 moabot na ngadto sa 251 ang nanurender kon asa kinatibuk-ang nahatag mokabat na ngadto sa P17,326,526.
"We are expecting nga modako pa ang kantidad," dugang niini.
Uwahing gitunol mao ang financial assistance nga P1,551,000 ngadto sa 89 ka kanhi mga rebelde nga gitunol didto sa Barangay Eureka, Gingoog City.
Nananawagan kini sa walhong grupo nga balik na sa gobyernro ug balaod.
"Atong pagdasig ug panawagan nga sa pagkakaron nga wala pa mobalik nga balik ug mahimong partner nato aron mahatagan ug kahapsay ang tibouk Region 10," butyag niini.