SUPERBALITA CEBU

Tambagi ko Noy Kulas: Gugma na

DEAR Noy Kulas,

Tawga lang ko sa ngan nga Rey, 34, taga Mindanao pero naa na sa Cebu nagtrabaho.

Nakaila nako ang usa ka babaye nga itago kang sa ngan nga Mel, minyo, naa sa pikas building nagtrabaho. In love ko niya kay buotan ug paraygon kaayo siya nako bisan minyo na siya. Ang iyang bana toa sa ilang probinsiya kauban sa ilang anak. Toa nag work ang iyang bana pero di man kaigo ang sweldo, nanrabaho siya diri city ug nag-abang og balay.

Nag-date na mi pero wa pa ko modiga niya bisan dunay times nga manan-aw mi og sine, moparayeg siya nako. Magtawganay mi sa phone kon di magkita. In short, nadutlan na ko og maayo bisan di pa mi uyab. Nahadlok ko mo court kay basin masuko siya. Pero kon magkuyog mi, feel nako uyab mi kay mangupot siya sa akong kamot o moagbay.

Noy, maora na mobuto akong dughan sa akong love niya. Magselos na ko kon mouli siya sa probinsya ug mingawon na ko og maayo. Kadaghan na ko makaagi og uyab-uyab pero diha ra ko niya patay kaayo. Ambot ngano naingon ko ani. Naa pa gyud sa minyo. Please tambagi ko unsay akong buhaton. Makabuang na ni akong gibati.

REY

Rey,

Usahay makalibog ning gugma kay magpataka lang og turok. Usahay di ka magdahom o magpaabot ug diha na lang ka mahigmata nga naa ka sa lawom na nga pagbati ug sa sayop pa gyud nga binuhat. Paghimangno pa sa mga eksperto, ang gugma susama rag drug addiction busa lisod likayan. Unya karon mas lisod ni kay nag-uros-uros na ang imong gugma.

Bitaw, maisip na nga mutual understanding nang inyoha kon action lang sa babaye ang basehan. Way babaye nga mo-act og ingon niana sa lalake kon way pagbati diha nimo. Hayan nakahibawo na siya nga duna kay laing pagbati niya apan wa ka lang makasulti. Dunay mga babaye nga sa action lang sa lalake mobasa.

Mas maayo pang putlon na ninyo ang inyong kuyogkuyog ug komunikasyon kay wa man nay maayong padulngan. Makaguba ka pa sa iyang pamilya. Lisod kaayo ni but sa ngadto ngadto, maka move on ra ka bisan lisod ang imong agian kay lagia ang gugma sama og drug addiction. You also have to talk to her parte niana. Ubani sab nig pag-ampo sa Ginuo aron mas makapalig-on ka sa imong kaugalingon.

NOY KULAS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph