LAB-AS pa gikan sa iyang pagbakasyon sa Kingdom of Morocco si Jericho Rosales dihang personal namo ning nahimamat isip kabahin sa iyang San Miguel Pale Pilsen Sari-Sari Store Tour sa Sugbo niadtong Sabado.
Niabot si Jericho sa Lantaw floating native restaurant sa lungsod sa Cordova mga ala una sa hapon nga sakto sad maoy paghuman namo og paniudto.
Nikaon la’g gamay ang aktor (mao diay slim) ug human sa chika-chika niya sa mga SMB staff nagsugod dayon ang among Q and A.
Medyo kalkag ang iyang buhok ug nag-shades ni nga niatubang sa mga sakup sa media tungod sa iyang eyebags nga iya pang gipakita namo sanglit bag-o pa lang gyud siya nahibalik ug diretso na dayon siya sa Cebu.
Gipangutana nako si Echo kon nganong dili niya kauban ang iyang misis sa Morocco diin niya giselebrar ang iyang ika-40 nga kasumaran?
Wala pa ba gihapon sa ilang prioridad ang makabaton og anak?
Ang among Q and A nilanat og 50 minutos apan wa mi kakita bisan gamay niya nga na-bored, ug bisan niingon na ang emcee nga last 2 questions na lang, apan siya pa mismo ang mo-insister nga, “sige pa.. gusto ko yung mga tanong n’yo.”
Daghan ang nibilib sa ka-professional sa maong singer-aktor ug kamaayo niyang motubag labi na sa aspeto sa personal niyang kinabuhi.
Human sa mediacon, usa-usang gisuroy ni Jericho ang dul-an 20 ka mga sari-sari store sa lungsod sa Cordova nga naglakip sa barangay Dapitan ug barangay Cogon.
Kini isip pasalamat sa nakuhang taas nga patronage sa SMB sa maong mga dapit.
Pero kami ni Ma’am Girlie sa SMB ug Miss Karla Rule didto ra mi sud sa van nagpabugnaw. Si Jericho maoy nagpainit. Haha...
Sa miaging tuig gibisita usab sa brand ambassador sa SMB nga si Echo ang Tagum City sa Davao del Norte.
Ug kahibawo ba mo nga wa diay ni siya kahuman og high school? Tungod ba sa poverty? Dili kuno. Nan unsa man diay rason?
Basaha ang akong interbyu niya sa Ssssuper Ka! karong Huwebes. It’s a date!
Oktubre na
Oktober na jud. San Miguel Oktoberfest na!
So, 19 days more to go na lang magbola na ta sa atong Superbalita Anniversary Promo.
Kinsa kahay makadaug sa boneless lechon? Kinsay makadaug sa gift packs courtesy sa Mountain Paradise Resort nga paboritong kaliguanan diha sa barangay Buluang Compostela.
Kinsay makadaug sa Chilen Chicharon? Abangan!