SUPERBALITA CEBU

Mga Sugboanon impresibo sa 7th Karatedo Goju-Kai sa Lapu-Lapu

MGA Sugboanong junior karatekas maoy nakahatag og dakong dungog sa nasod human kini mikolekta og siyam ka gold, lima ka silvers ug 11 ka bronze medal atol sa bag-o lang gipahigayon nga 7th Karatedo Goju-Kai Asia-Pacific Championships and Technical Seminar nga gipahigayon sa Lapu-Lapu City niadtong Septiyembre 27 ngadto sa 29, 2019.

Nag-una sa mga Sugboanong kartekas nga mipakita og saktong kalidad mao ang mga pambato sa Sports Karatedo Organization (SKO) Pilipinas of Mandaue City ug sa Association for the Upliftment of Karatedo (AUK), ilabi na sa Kumite (sparring) event.

Ang 17-anyos nga si Rose Mabel Seares ang impresibo usab nga midominar sa 48 kilograms Women Juniors Kumite human niya giharos ang iyang kategoriya.

Laing batan-on nga karateka mao ang 9-anyos nga si Joshua Narboada kinsa mipukan sa iyang duha ka mga haponanon nga kaatbang ug milabni sa gold medal sa 7-9 years old Boys Kumite category.

Ang ubang nakakolekta og gold medals naglakip nila ni Alexis Carmeli Patalinghug (-35 kgs 10-11 years old Girl’s Kumite), Alexis Nicole Villacarlos (-40kg 10-11 Girls Kumite), Janine Narboada (-42kg 12-13 Girls Kumite), Enzo Nirel Hipulan (-40kg Boys Kumite), AJ Ala Villamor (-35 kgs 10-11 Boys Kumite), Maria Cassandra Samson (-47 kgs 16-17 Girls Kumite), ug Jeremy Laurence Nopre (-67 kgs 21 year’s old Men’s Kumite)

Ang mga sakop sa SKO ug AUK nga naka silver medals gilangkuban nila ni Trexie Joy Ogoc (-47 kgs 12-13 Girls Kumite), Giovanni Ephraim Apuya (-52 kgs 13-14 Boys Kumite), Gerald Agustin Baclaan (-21 years old, Boys Kata), Allison Kyle Quiroga (-68 kgs, 21 years old Female Kumite) and Adrian A. Feniza (-67 kgs. -21 years old Mens’s Kumite).

Nakalabni usab ang managsuong sila si Christine Marie ug Eliza Marie Sacedon sa SKO sa unang ug ikaduhang bronze medals sa s47kgs Girls Kumite event.

Ubang mga medalist mao sila si Kiarra Reign Torreverde (-47 kgs 16-17 Female Kumite), Loue Jane Remojo (-55kgs -21 years old Female Kumite), Felix Calipusan (-55 kgs -21 years old Mens Kumite), Kathlyne Cortes (-47 kgs 16-17 Female Kumite), Jeremy Laurence Nopre (-21 Individual Kata), Rus Joshua Macaya (-52 kgs 14-15 Boys Kumite), Rheiane Annarie Luza (-47 kgs 12-13 Girls Kumite) ug Isaac Erin (-57 kgs 14-15 Boys Kumite).

Sila si Baclaan, Calipusan ug Nopre ang mga naka bronze usab sa Men’s Team Kata event samtang si Quiroga, Remojo ug Sam de Ariel Zozobrado miloklok og bronze sa Women’s Team Kumite Event.

Si Jess Paredes, SKO-Pilipinas chief instructor, mibutyag sa SunStar Cebu nga kini maoy ikaduhang higayon nga ang iyang mga batos nahatagan og international exposure.

Ang unang higayon mao kadtong misalmot sila sa international stage sa 1st Shureido Cup sa Kota Kinabalu, Malaysia niadtong bulan sa Agusto.

Ingon niya nga ang Shureido ug Gojukai competition makapataas sa moral sa iyang mga atleta ilabi na sa panahon nga mosalmot sila sa umaabot nga Cebu City Olympics.

Hinuon dugang niya nga daghan pang mga international events sama sa Adidas Cup nga ipahigayon sa Manila sunod semana ug inong man ang umaabot nga Japan Hakuakai Tournament sa Tokyo, Japan sa Agusto sunod tuig ang ilang target. (JKV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph