SI PHILIPPINE Sports Commission (PSC) chairman William Ramirez mimando niadtong Biyernes, Septyembre 27, og imbestigasyon sa aksidenteng mikalas sa pito ka kinabuhi nga miyembro sa Boracay Dragon Boat Club sa Sitio Tulubhan, Manocmanoc, Boracay, Miyerkules.
Si Ramirez miisyu og direktiba sa samang adlaw, samtang mga personahe sa PSC miduaw sa nabiling pamilya sa mga biktima sa aksidente.
Dihang nahitabo ang trahedya sa pito ka tawo, si Ramirez mipadala ni National Sports Associations (NSA) Affairs Chief Annie Ruiz aron duawon ang na-ospital nga atleta ug duawon ang kabanay sa mga namatay.
Unang gilakbitan ni Ruiz ang team captain Von Navarrosa nga naka-confine sa Saint Gabriel Medical Center, dayon mibiyahe sila padung sa kabanay ni Mark Vincent Navarrete, nga misuway pa og salbar ni John Vince Natividad nga wala sab giswerte.
Ang duha maoy uwahing narekober.
Miagi sab sa Ibajay ang grupo aron ipaabot ang pahasubo sa banay ni Richel Montuya.
Mga miyembro nga sila Kenneth Bandalan, Jaylord Violanda, Marc Sabadao, ug Kathleen Sabadao anaa sab sa haya ni Montuya.
Si Bandalan, nga nagtrabaho isip lifeguard sa Boracay, emosyonal nga mihinumdum paunsa niya giluwas sila Supranes ug Montuya, apan nalumos ra sab kini.
Niya nga sayod siyang sagad sa iyang kaubanan di kamao mosawom, apil na sila Supranes ug Montuya.
"Noong umalis kami, okay naman yung alon. Hanggang sa noong nasa malayo na kami, tatlong magkakasunod na alon yung humampas sa bangka namin. Napuno ng tubig yung bangka kaya nag-panic na 'yung iba. Naguiguilty ako kasi hindi ko alam kung tama 'yung ginawa ko. Kung nag-stay ako doon, baka pare-pareho kaming mamatay, pero pinili kong lumangoy pabalik para mas maraming mabuhay," saysay niya.
Ang PSC mipaambit og financial support sa pamilya sa namatay.
Si PSC Chairman Ramirez nagkanayon nga buot niyang moguwa dayon ang resulta sa imbestigasyon, diin moreport sab siya kang Senator Bong Go ug sa Office of the President.
"The mandate of the PSC is amateur sports so we will exercise our authority to get to the bottom of this. This should never happen again," suma sa PSC chief.
Si Executive Director Merlita Ibay ug PSC Legal maoy naglangkub sa fact finding group. >