SAN FRANCISCO, Agusan del Sur -- Sikop sa hiniusang puwersa sa awtoridad sa manhunt operation ang usa ka gikonsiderang "top 1 wanted terrorist" alas 4:45 sa hapon didto sa San Francisco Public Market.
Subay sa journal sa Police Regional Office-Davao, ang nasikop mao si Rachel Cortez Daguman, alyas Kumander Jasmin, 44-anyos, giingong secretary sa Front Committee 51 sa New People's Army.
Giila sab ang dinakpan nga head sa Regional Peasant Bureau ug residente sa Coronon, Sta. Cruz, Davao del Sur.
Gisikop ang dinakpan gumikan duna kini warrant of arrest sa kasong robbery with homicide nga gipagula ni Judge Carmelita Davin sa Branch 19 sa Digos City.
Walay girekomenda nga piyansa ang korte labot sa iyang kaso alang sa iyang temporaryong kagawasan. (Jeepy P. Compio)