SUPERBALITA CAGAYAN DE ORO

Lalaki gipusil patay sulod sa panimalay

GIPATAY sulod sa puloy-anan ang usa ka lalaki mga alas 10:57 sa gabii niadtong Septiyembre 29, 2019, adlawng Dominggo, sa Purok 6, Barangay Loguilo, lungsod sa Alubijid, Misamis Oriental.

Giila ang biktima nga mao si Gilbert J. Tubac, 37, ulitawo, residente sa susamang dapit.

Sa inisyal nga imbestigasyon sa Alubijid Police Station basi sa pamahayag sa apohan sa biktima nga si Melalita Jacalan nasuta nga kalit lang misulod ang duha ka mga suspetsado agi sa ilang kusina.

Pulos nagsul-ob og helmet ang duha. Walay sulti nga mitapad sa apohan ang usa sa suspek sa lingkoran samtang bitbit ang armas misaka sa taas kon asa toa si Gilbert.

Mao na lamang nadungog ni Melalita ang unom ka mga buto sa kalibre ug human niini daling misibat ang mga suspetsado.

Sa pagsusi sa patayng lawas sa biktima sa pagpangulo ni PMaj. Dr. Christian Caballes sa Scene of Crimes Operatives nakaangkon kini og samad pinusilan sa iyang dughan, usa sa iyang tiyan, usa sa kamot nga maoy hinungdan sa iyang hinanaling kamatayon.

Lima ka mga bala ang nakuha sa crime scene.

Padayon pa nga gisuta sa kapolisan kung unsay motibo sa pagpatay niini ug mga gikalambigitan niini karong panahona.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph