SUPERBALITA CAGAYAN DE ORO

2 napatay nga NPA giluwas pa sa mga sundalo

GISUWAYAN pa og tabang ang usa ka lider sa New People's Army (NPA) samtang gidala sa balay tambalanan ang laing usa ka kauban niini apan walay swerte nga pulos nangakabsan sa kinabuhi.

Kini human natigayon ang engkwentro tali sa mga sundalo niadtong adlawng Sabado, Septiyembre 28, mga alas 9:30 sa buntag sa Sitio Bangkalawan, Brgy Lumintao, Quezon, Bukidnon.

Nailhan ang identipikasyon sa nagbuy-od ug naligo sa dugo nga nabiyaan nga NPA pinaagi sa kanhi mga rebelde nga nanurender ug kini mao si Joven Manggatawan alyas “Amana”.

Giingong lider kini sa Sentro de Grabidad (SDG) platoon sa CPP-NPA’s Company Thunder, Subregional Command 2 sa NCMRC.

Nagpahigayon og combat operation ang tropa sa 88th Infantry Battalion ug sa maong lugar nga gitouhang ilang gikampohan naabtan ang mga walhong grupo nga miresulta sa pagbinayloay og bala.

Adunay laing kauban niini ang samdan ug gisuwayan pa og dala sa Bukidnon Provincial Hospital apan niadtong Domingo sa hapon, Septiyembre 29, nakabsan kini sa kinabuhi.

Gi-claim kini sa iyang pamilya ug giila nga mao si Oliver Cabusog, taga Barangay Cawayan, lungsod sa Quezon, Bukidnon.

Sa lugar nabiyaan sa walhong grupo ang usa ka M16 rifle; duha ka anti-personnel mines nga gi ban sa Ottawa Conventions; usa ka rifle grenade; duha ka ammunition magazines sa M16 rifle; usa ka ammunition magazine sa AK47 rifle; usa ka brand commercial radio; unom ka 20 liter water containers nga puno og bugas ug mga personal nga gamit.

Gibutyag ni Brigadier General Edgardo de Leon, commander sa 403rd Infantry Brigade nga ang kasundalohan labina ang paningkamot ug sige panawagan nga mobalik sa sabakan sa gobyerno aron dili masusama niini ang kinabuhi.

"We have exhausted ways to reach out to NPA as we tried to convince them to return to the folds of law and live a peaceful life with their families. We have so far convinced 110 regular NPAs, but there are still those who opted to remain," matud ni De Leon.

Dugang niini nga kung magpadayon ang NPA sa pagmahagahi taliwala paman sa kanunay nga panawagan dili sila magduha duha sa paghatag og pwersa batok kanila.

"While we extend our hands to offer peace, we are also duty-bound to use sufficient military force against those who continue to terrorize civilians and destroy civilian properties. The constitution mandates the AFP to protect the people, and we will not remiss with that mandate" matud ni De Leon.

Gidayeg sab ni Major General Franco Nemesio Gacal, commander sa 4th Infantry Division, ang tropa tungod sa kaikag nga pildehon ang walhong grupo apan matud niini nga kinahanglan kini sila mataral sa ubos sa kasupakan sa International Humanitarian Law.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph