HANAS ug eksperto ang giingong mga responsable pagpusil sa duha ka mga biktima niadtong Septiyembre 28, adlaw nga Sabado, sa Agong, Barangay Canitoan ning siyudad sa Cagayan de Oro.
Nasayran nga patay sila si Bryan Retchie Campogan, 26, ulitawo ug Wilmer Apostol, 44, taga Valencia City, Bukidnon.
Gibutyag ni PCapt Jason Sto. Domingo, hepe sa Police Station 7 (PS7) sa Bulua nga hanas na ang mga suspek ug planado ang pagpamusil sa mga biktima.
"Oo kasi medyo yung may pagka sharp shooter eh, sa gitna talaga yung tama, meron tayong mga tinitignan na ka built ng suspek," matud ni Sto. Domingo,
Gidugang pa nga susama usab nga planado ang maong krimen.
"Mukhang planado kasi kung inabangan sila dun sa area na yun imposible kasi yung time na yun mainit hindi naman sure na dun dadaan ang mga biktima, malamang galing sa bulangan siguro from there sinundan na sila nitong suspek," dugang pa.
Gitan-aw pa ang anggulo sa pagpanulis human gikabutyag nga duna kini dalang kwarta nga pangsweldo lakip na ang giingong gikan kini sa bulangan.
Gitaparan sa motorsiklo nga gisakyan sa duha ka mga suspek ang bonggo ug gipusil ang mga biktima hinungdan nga naka-brake kini ug giatangan sa atubangan.
Ang maong insidente ang padayon pa nga gi-imbestigahan sa kapulisan aron sa dinaliang pagkasikop sa mga suspetsado.