LAIN na usab nga buhatan sa kagamhanan sa dakbayan sa Lapu-Lapu ang gipaubos sa kinalit nga drug test sa City of Lapu-Lapu Substance Abuse and Prevention (C-Losap) kagahapon, Lunes, Septiyembre 30.
Ning higayona mga kawani na usab sa Material Recovery Facility (MRF) ang gipaubos sa drug test.
Sa kinatibuk-an, moabot sa 249 ka mga personnel sa MRF ang gipaubos sa drug test apan dili gayud tanan ang napaubos niini.
Kini human adunay 21 ka mga personnel ang wala motunga sa naasoyng drug test sa wala pa matinong rason.
Matod ni Garry Lao, ang executive director sa C-Losap, ga ang mga personnel sa MRF gipatawag unta ni Lapu-Lapu City Mayor Junard “Ahong” Chan alang sa importanteng katuyoan apan diay usa lang kini ka drug test.
Giingong gihimong rason ni Chan sa pakigkita sa mga personnel sa MRF mao ang pagpahinumdom kanila sa nadangatan sa lima ka mga personnel sa buhatan nga gitaktak niya niadtong miaging semana gumikan sa pagpangilkil.
Ang napaubos sa drug test mao ang mga truck boy, guard, driver, inspector, washing, tighimo og hollow block samtang ang uban nag-operate sa shredder.
Dugang ni Lao nga moabot lang usab sa 9 ka mga personnel sa MRF ang regular nga empleyado samtang ang uban pulos na mga job order JO.
“Prior ta nag start nag information dissemination una mi unsa ang effects of drugs... matod ni Lao sa Superbalta Cebu. (GCM)