PASTILAN! Bilib ko sa kapulisan kay way pilion sa pagdakop ug tawo nga mamaligya ug illegal nga drugas bisan ug dunay impluwensya.
Akong gisuwayan sa pagsubay ang background ni Arnel “Bantam” Villamor ang nadakpan sa kapulisan sa lungsod sa Boljoon.
Si Villamor, naila sa iyang angga nga 'Bantam' nadakpan atol sa gihimong buy bust sa Barangay Beceril Boljoon.
Nakuha gikan sa posisyon ni Bantam ang 0.33 grams sa shabu dihang gidakop sa nagpato-o nga user nga usa ka pulis.
Si PLT Ramuel Banogon, hepe sa kapulisan sa lungsod sa Boljoon maoy nangunay sa maong operation sa notado nga tigbaligya ug illegal nga drugas.
Nasayran sa Agila gikan sa kasaligang tinubdan nga nagtrabaho si Bantam isip Job Order sa opisina ni Board Member edcel Gallos sa ika-duhang distrito.
Sa pagsuwat nako niining lindog, wa pa makuha ang habig ni Gallos, sa pagkasikop sa iyang trabahante.
Samtang, gihimakak ni Daday Celis, barangay affairs consultant sa Kapitolyo, atol sa interview sa “Agila” nga siya ang nagrekomendar ni Bantam sa opisina ni Gallos.
Gikonpirmar ni Celis nga si Bantam nagtrabaho sa opisina ni Gallos ug managlahi ang ilang kampanya.Si Daday nakontobersya sa pagpasud og mga empleyado sa Kapitolyo nga mga sakop sa pamilya.
Usa sa nakapakontrobersya ni Daday, sa panahon sa kampanya sa wa pa ang Mayo 13, 2019 election, nikampanya siya pabor ni Gwen sa pagka gobernador.
Samtang, ang iyang anak nga si Alexus Celis nga midaog sa pagka konsehal sa Boljoon mikampanya ni Agnes magpale nga kontra ni Gwen.
Samtang, si Aldrin Celis, anak ni Daday nga naa karon nagtrabaho sa opisina ni Board Member Francis Salimbangon, nag-handle sa special operation ni Magpale-Davide, matud pa sa report nga nadawat sa Agila.
Kon imong sabton usa ka minaro nga matang sa pamulitika. Tan-awa sila tanang pamilya nakapahimulos sa katungdanan.
Si Gobernador Gwen Garcia di gusto sa ingon ani nga pamaagi. Labaw pa nga iyang kontra ang mga tawong nalambigit sa ilegal nga drugas.
Ang labing nagguba niini sa pagkasikop ni Bantam Mao si Board Gallos kay iyang trabahante si Bantam.