SUPERBALITA CEBU

CESAFI imports mireklamo sa house bill 388

IMPORT: Si UC Webmasters import Tosh Sesay (naggunit sa bola) igo na lang sa panghinaot nga dili siya mawad-an og oportunidad nga makaduwa isip college basketball varsity player. Ning bag-uhay lang, adunay resolusyon nga gipasaka sa kongreso nga nagdili sa mga langyaw nga makaduwa sa mga tunghaan sa nagkadaiyang collegiate leagues. (SunStar File)

MIABOT sa Sugbo ang pagkuyanap sa gipasakang house bill No. 388 ni House Deputy Speaker Mikee Romero nga nagdili sa mga tunghaan nga sakop sa nagkadaiyang collegiate basketball leagues sa pagkuha og langyaw nga mga magduduwa.

Sama sa UAAP ug NCAA sa Manila, ubay-ubay sab nga mga langyaw ang nagduwa sa Cebu Schools Athletic Foundation Inc. (CESAFI) partikyular sa duwang basketball.

Unom sa pito ka mga college basketball teams sa CESAFI ang adunay import.

Sa nanglabayng katuigan, usa ang Cesafi sa hakutanan og dekalidad nga langyaw’ng mga basketbolista diin usa sa labing prominente mao si Ben Mbala.

Si Mbala maoy nangulo sa Southwestern University-Phinma (SWU) Cobras aron makabaton og Cesafi title niadtong 2012.

Gumikan sa iyang abilidad, si Mbala gikuha sa La De La Salle University (DLSU) Green Archers nga nahimong kampiyon sa UAAP niadtong 2016 sa pagpangulo ni Mbala.

Si Mbala maoy napiling MVP sa UAAP niadtong 2016.

Sa kasamtangang nagpadayon nga 2019 season sa Cesafi, ang imports sa liga ningpadayag og reaksyon sa balaudnong gipasaka ni Romero.

Si Lass Coulibally, 6’10” import sa University of the Visayas (UV) Green Lancers, nagkanayon nga kon wala’y imports, hayan mohuyang ang basketball sa Pilipinas.

“If they make this decision, Philippine basketball would be weak and Filipinos would not be able to compete well abroad, like for example, in the FIBA World Cup,” pasabot ni Coulibally.

“Even Americans need foreigners to play basketball in spite being a world power in basketball.”

Gani alang kang, ang balaudnon ni Romero adunay racist nga epekto.

Si Sameen Swint sa University of Southern Philippines Foundation (USPF) Panthers, kinsa usa sa labing maayong import sa Cesafi, miangkon nga nasagmuyo siya sa resulusyon ni Romero.

“I feel upset but there’s not much we can do. I feel like one import player doesn’t take away from the team because one import can’t win it by himself. It takes a team to come together,” matod ni Swint.

“Imports can help the teams here as far as helping teammates improve skills and knowledge of the game. But one player doesn’t make a team.”

Si Sommy Managor, import sa University of San Carlos (USC) Warriors, miingon nga ning maong lakang, gikuhaan ni Romero og oportunidad ang Filipino basketball fans nga makasaksi og eksplosibong mga duwa sa collegiate level.

Ang import sa University of Cebu (UC) Webmasters nga si Tosh Sesay igo na lang sa panghinaot nga dili sila mahingpit ang gipasakang balaod ni Romero. (JNP, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph