ORMOC City, Leyte - Nakapasar ang dakbayan sa Ormoc sa pagpatuman sa kamanduan ni Presidente Rodrigo Duterte sa paglimpyo sa mga sidewalk sa dakbayan.
Ang kamanduan gihimoan og memorandum sa Department of Interior and Local Government (DILG).
Ang dakbayan sa Ormoc daan na nihimo og road clearing, usa ka buwan sa wa pa mapagawas ang memorandum.
Ang kamanduan nigawas sa Hulyo 2019 diin gitagaan ang tanang mga mayor ug kapitan kutob Septiyembre 29 para limpyuhon ang mga pampubliko nga karsada gikan sa mga babag.
Lunes, Septiyembre 30, 2019, gi-evaluate sa DILG ang dakbayan sa Ormoc ug nakapasar kini.
Gihatagan sa DILG og 95 porsyento nga overall compliance ang dakbayan.
“I’m very happy kasi I know that not all LGUs will get 95. Kahit nag expire na ang order ng Presidente pero tuloy tuloy pa rin ang road clearing operation,” matod ni Gomez.
Dugang sa mayor nga mas napadali nila ang road clearing ug nasabtan sa katawhan sa dihang mismo si Duterte na ang nimando.
“The problem before is that the past administration, there was no effort to enforce the set back and National Building Code. But because we have been serious in implementing our laws, the people of Ormoc are getting used to it,” dugang sa mayor.
Sa kamaduan, pipila ka mga public structures sama sa barangay halls, chapel ug outpost ang gipang-guba.
Mga sidewalk vendors gipang relocate.
Sagad sa mga apektado nakasabot ra sa pag implementar gumikan kay nahibawo usab sila nga kalapasan sa balaud ang pagbabag sa mga sidewalks.
Niini, ang nalimpyo nga mga kadalanan i-turnover na ngadto sa mga barangay kon diin kini nasakop.
Mipasabot ang DILG nga kon dili mamintinar sa kapitan ang kalimpyo ug kahapsay sa sidewalk, mamahimo sila nga pasakaan og kaso sa mayor. (JKDP)