SUPERBALITA DAVAO

Merwin Tan mamulsa'g medalya

DAKO ang kompiyansa ni Bowling World Cup qualifier Merwin Tan nga mapabilin niya ang maayong performance karong tuiga sa Southeast Asian Games.

Naila sa iyang konsistensi ug maayong batasan, ang 20-anyos nga bowler nilaum nga nahilakip sa Philippine Bowling Federation's national team sa upat ka mga lalaki ug upat ka mga babaye kinsa modula sa biennial meet gitakda sa Nobyembre 30 hangtud sa Disyembre 11 sa Starmall Bowling Center sa Mandaluyong City.

Si Tan, nga gisuportahan sab ni Prima Pasta Chairman Alex Lim, nagtuo nga makadughit siya og mga prutas sa iyang paningkamot kon magsugod na ang kompetisyon.

"I am very determined because this year was a learning experience for me. All the tournaments that I have won made me more confident. I am determined to do my best in the upcoming Southeast Asian Games," pasalig ni Tan.

"In my opinion, it was not magic. It is pure hardwork and dedication."

Nakasungkit si Tan og medalyang bulawan sa 51st Singapore Internationa Open niadtong Hunyo ug 20th Asian Youth Tenpin Bowling Championship sa Malaysia niadtong Mayo.

Nasakmit sab niya ang korona sa men's open masters sa Philippine International Open sa Mandaluyong City.

Nakakuha sab si Tan og bronze medal sa Under-22 event sa 5th Fukuoka Summer Cup Bowling tourney niadtong Agosto una sa bag-ohay pa lang niyang gidaug nga duha ka titulo sa unang METBA-Davao Kadayawan Bowling Open Championships sa Davao City.

Apan bisan pa sa maong mga kalampusan, nakita ni Tan ang dugang pang papalambo sa iyang dinuwaan. Matud niya nga di niya kaayo mabati karon ang kahanas sa duwa.

"I feel I'm not in my peak yet, because I am just doing my best in every competition I play."

Gawas ni Tan, sila si Kenneth Chua, Alexis Sy, Lara Posadas, Patrick Nuqui, Liza Del Rosario, Frederick Ong ug Raoul Miranda, ug uban pa, determinado sab nga makakuha og luna alang sa SEA Games. (WGM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph