CARIGARA, Leyte - Kasundalohan ug mga rebeldeng New Peoples Army (NPA) nagkaengkwentro sa Barangay Caghalo ning lungsod pasado alas 6 sa buntag sa Lunes, Septiyembre 30, 2019.
Matod ni Army Lieutenant Colonel Roberto Beatisula, commander sa 93rd infantry battalion, nakadawat sila og mga report nga dunay mga kalihukan ang mga NPA sa lugar.
Busa, nihimo sila og focused military operations.
“We have monitored the NPA presence in the area with the help of the populace. This indicates that our people have enough of the terrorism of the NPA and wanted to have peace in their communities,” matod ni Beatisula.
Ang engkwentro nilungtad og mga 10 minutos ug walay nakalas sa habig sa kasundalohan.
Apan wa ma masayri ang habig sa NPA apan dunay mga pat-ak sa dugo ang nakita.
Nasakmit sa kasundalohan ang pipila ka tag-as nga mga armas, mga bala ug importante nga mga dokumento.
Naglangkob kini sa usa ka M16 rifle; duha ka M1 Garand rifle; duha ka M1 Carbine rifles; usa ka improvised shotgun; 1 ka hand grenade; bandolier ug magazines.
“This encounter speaks of the Army’s commitment to end the insurgency here in Leyte. These communists have no place in the peace-loving people of Carigara,” matod ni 802 Brigade Commander, Brig. General Lope Dagoy.
Gisaad ni Dagoy nga kon di mo-surrender ang mga miyembro sa NPA, iyang buhaton ang tanan nga papason kini sa ning iyang pamunoan. (JKDP)