SUPERBALITA CEBU

Pulis nga wa magparehistro pasakaan og kaso: Sinas

NANGULO: Si Police Regional Director Brig. General Debold Sinas ang nangulo sa voter registration nga gipahigayon nga espesyal sa Commission on Elections (Comelec) 7 sa sud sa Camp Sergio Osmeña. Si Sinas dunay bahad sa mga pulis nga wa makaparehistro. (Tampo sa PRO 7)

DIRECTOR sa Police Regional Office 7 (PRO) nibahad sa mga pulis nga wa makaparehistro sa Commission on Election atol sa registration karong tuiga nga mag-atubang og kasong administratiba.

Kini human mimando ang Camp Crame nga kinahanglan nga magparehistro ang tanan nga mga pulis lukop nasud.

Natapos na niadtong Lunes, Septiyembre 30, ang Comelec registration sa mga botante alang unta sa nagsingabot nga barangay ug SK elections sa sunod tuig.

Ang Camp Crame nimando sa tanang police regional office nga kinahanglan nga magparehistro ang mga police personnel nga wa pa marehistro.

Gipasupot usab sa hepe sa PRO-7, Police Brigadier General Debold Sinas sa tanang city ug provincial police office nga kinahanglan ang kapin sa 10,000 ka police personnel dinhi narehistro kay alang niya anugon ang boto sa mga pulis panahon sa piniliay kon wa marehistro.

Niadtong milabayng election, daghan ang wala makabotar sa absentee voting tungod kay kasagaran kanila wa marehistro sa Comelec.

“Ang directives gikan sa taas na. Gi follow gyud namo na siya because you know we always inform our people to exercise their rights also to vote kay kon dili, sayang sad tong boto. Ikaduha, gihinay-hinay na namo ang among mga tawo to follow sa mga national policies guidelines, matod ni Sinas.

Atol sa piniliay sa national elections, sa 10,000 ka personnel sa Central Visayas, kapin lang sa usa ka libo ang naka botar sa absentee voting nga nagpasabot nga ubos kaayo ang naka parehistro.

Moabot ngadto sa kapin 200,000 ang kinatibuk-ang personnel sa PNP lukop nasud.

Sa 10,000 ka personnel sa PRO 7, apil na niini ang non-uniformed personnel, diin 20 porsiento giingong nakabotar sa miaging election.

Sunod semana, makig-alayon ang PRO-7 sa buhatan sa Comelec 7 aron mahibaw-an pila ka pulis ang nakaparehistro na ug pila usab ang wa morehistro.

Niadtong miaging semana, ang Comelec Regional Office 7 nagpahigayon og special registration sa PRO 7 diin si Sinas ang nangulo sa pagparehistro.

Siya nanghinaot nga ang tanang personnel sa kapulisan sa Central Visayas ang naka rehistro na ug mahimo na nga maka botar sa barangay ug sk election lakip na sa presidential election sa 2021.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph