HUMAN gipangunahan ni Misamis Oriental Governor Bambi ang nahimong chairman sa paglusad ug pag-activate sa Masamis Oriental Task Force to End Local Communist Armed Conflict (MOTF-ELCAC) sa Barangay Eureka Gingoog City.
Adunay mensahe si Emano alang ngadto sa mga sakop sa New People's Army (NPA) nga nagpabilin sa kabukiran.
Matud niini nga iyang mipanaw nga amahan si mayor Dongkoy Emano gibantog nga peace maker kay kanunay mangulo sa hisgotanang kalinaw.
Hangyo niini nga unta maghulat siya sa mga walhong grupo nga makiglingkod sa lamesa magpinirmaha ug hunongon ang pagpabuto sa armas.
"Ang akong panawagan nga unta maglingkod ta sa usa ka lamesa magpirmaha ta og usa ka papel dili nato ni masulbad pinaagi sa pagpabuto sa buka sa armas," matud ni Emano.
Dugang niini nga tungod sa kagubot nag-antos ang pulo sa Mindanao sa daot nga imahe ug dili anhian sa mga langyaw ug sa paglusad niini unta magsinugdan na kini sa hingpit nga kahiusa ug kalinaw.
"Sa dugay nga panahon nag antos ta nga dili moanhi ang mga turistang langyaw kay mahadlok sila kay basta manganlan ang Mindanao daot kaayo ang imahe sa Mindanao pinaagi niini kung makab-ot ang kahusay ug kalinaw dako kaayo og tabang kay duna may kumpiyansa dili lang ang langyaw bisan ang turistang Pilipino kung husay na nagtoo ko nga makapabilo og dugang turista sa lalawigan," dugang niini.