SUPERBALITA CAGAYAN DE ORO

Pagtikad sa mga mag-uuma sa MisOr gipasayon

TULO ka mga tractor ang gi blessingan aron magamit sa pagtikad sa mga mag-uuma sa ilang yuta dinhi sa Misamis Oriental.

Gipahibalo ni Provincial Agriculture Office Head Apollo Pacamalan nga ang mga mag-uuma nga gustong mogamit niini moduol lang sa Provincial Engineering Office kay first come first serve basis ang pagpareserba niini.

Gipasabot niini nga walay bayad sa renta niini apan gasolina lamang nga P500-P700 ang gibana-banang magasto sa daruhon nga usa ka ektarya.

Dugang ni Pacamalan nga prayoridad ni Misamis Oriental Governor Bambi Emano ang mga mag-uuma nga mapasayon ang ilang pagtikad sa yuta pinaagi sa pag purchase ug mga makinarya sama sa tractor, gardening cultivator ug uban pa.

Wala kini giapod-apod ug gi-manage na lang sa buhatan kay ang lalawigan nagbaton lang og 6 ka tractor ug gibahin sa tag tulo sa este ug weste kay adunay 185 farmers organization ang lalawigan nga dili sab nila bout nga mapihig.

"Gi-augment kana para sa pag mechanize sa upland area kay challenge karon sa Agricultyure unsaon panahon sa ting-ulang magdungan sa land preparation ug once maulahi ka dili naka maapas grabe na ang variation sa rainfall pattern," pasabot niini.

Ang stratehiya nga ilang gihimo mao nga mahatagan og access ang mga mag-uuma sa pagpreparar sa yuta nga matamnan gumikan kay kung daruhon kini sa manual nga paagi usa ka semana pa usa matapos.

Apan kung tractor ang gamiton kaya niini modaro og upat ka ektarya sulod lamang sa usa ka adlaw ug dako ilang pagtoo nga dako kini kaayong kaarangan nga mas mapasayon ang pagtikad sa mga mag uuma.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph