PAGPALAMBO sa ikaupat nga distrito sa lalawigan sa Sugbo ngadto sa economic zone ug pagpalambo sa serbisyo sa panglawas mao ang mga prayoridad ni kanhi congressman Benhur Salimbangon isip consultant sa Provincial Government.
Si Benhur gitudlo ni Gobernador Gwendolyn Garcia isip Capitol consultant sa fourth district development sa tag P1 ang tuig, tungod sa iyang kasinatian sa pagpangulo sa distrito.
Ang gobernador nipahibawo niini sa iyang pagpamulong atubangan sa Provincial Board members, pipila ka Capitol department heads ug staff sa Bantayan District Hospital sa Lunes sa Septiyembre 30, 2019.
“I accepted that because kinahanglan man gyud siya og tabang nato unya kahibaw man sad ta og unsa ang mga problema gyud sa distrito,” matod ni Benhur sa Martes, Oktubre 1.
Si Benhur maoy nipuli kang kanhi congresswoman Clavel Martinez sa 2007.
Kay si Benhur suod nga kaalyado ni Garcia, gusto unta niya kining mahimong runningmate sa Mayo 2019 elections.
Nibalibad si Benhur pagka bise gobernador kay mas gipili niyang motabang sa kampanya pagka kongresista sa iyang asawa, Janice Salimbangon.
Bisan tuod iya nang gibiyaan ang Ubos Balay Balauranan, matod niya nga mopadayon siya sa pagtrabaho alang sa 4th district pinaagi sa pagtabang sa Kapitolyo ug sa iyang asawa.
“This is just to help the government because we know what we’ve done and what still needs to be done. I served as a congressman for 12 years and I want to continue that service,” siya nidugang.
Nag-unang prayoridad ni Benhur isip consultant mao ang upgrading sa Bantayan District Hospital.
Ang 25-bed capacity mahimong pil-on og kaupat ngadto sa 100, samang bed capacity sa Bogo Provincial Hospital sa samang distrito.
Isip island paradise, si Benhur niingon nga ang mga lungsod sa Bantayan, Sante Fe ug Madridejos di lang popular nga tourist destinations apan dapit nga maayong himuon nga retirement. Ang pagpalambo sa ospital makatabang nga maseguro nga maayong kalidad nga serbisyo sa panglawas alang sa mga turista, retirees ingon man mga lumolupyo.
Si Benhur gusto usab nga himuon ang distrito nga special economic zone (SEZ) aron pagpalambo sa negusyo, pagpengempleyo, investment ug pagmugna og mga trabaho sa hilit nga mga dapit.
Ang fourth district naglangkob sa mga lungsod sa Bantayan, Daanbantayan, Madridejos, Medellin, Santa Fe, Tabogon ug Tabuelan ingon man Siyudad sa Bogo.
Matod ni Benhur nga ang mga karsada ning mao nga mga dapit gipalapdan na ngadto sa upat ka lanes agig pangandam alang sa pagmugna sa SEZ.
Si Benhur niingon nga nakigsulti na usab siya alang sa posibleng locators tali kang Mactan Cebu International Airport Authority general manager Steve Dicdican, kinsa didto usab sa Bantayan alang sa pagpirma og memorandum of agreement uban sa gobernador sa pagpalambo sa Bantayan Airport.
“He said MCIAA has 150 locators that they have to negotiate with to have them removed from Mactan. There’s little to no space to accommodate these locators in Mactan anymore. I told him that there are 5,000 to 6,000 hectares (of land) are available in the district. If you can help me convince them to relocate to our district, we are willing to provide help,” siya nidugang.
Matod ni Benhur nga mobukas kini alang sa dugang turismo, trabaho ug mga kahigayunan sa negusyo alang sa fourth district, labina sa proposed airport sa Medellin. (RTF sa Sunstar Cebu)