Yaw-Yan midominar sa Talisay Muay Thai

YAW-YAN: Giisa sa referee ang kamot ni Yaw-Yan fighter Josh Ybañez human sa 2nd round stoppage nga kadaugan niini batok kang Loujie Baguio sa Tatus Muay Thai ning bag-uhay lang sa 1st Sity Kru Sane Siamyout Philippine Muay Thai Boran Fight sa Talisay City Sports Complex. (Tampo)
YAW-YAN: Giisa sa referee ang kamot ni Yaw-Yan fighter Josh Ybañez human sa 2nd round stoppage nga kadaugan niini batok kang Loujie Baguio sa Tatus Muay Thai ning bag-uhay lang sa 1st Sity Kru Sane Siamyout Philippine Muay Thai Boran Fight sa Talisay City Sports Complex. (Tampo)

NANGHAWOD ang Yaw-Yan Ardigma Cebu warriors sa 1st Sity Kru Sane Siamyout Philippine Muay Thai Boran Fight ning bag-uhay lang sa Talisay City Sports Complex.

Gipangulohan sa wala’y pildeng flyweight nga si Josh Ybañez ang malampusong kampanya sa Yaw-Yan pinaagi sa 2nd round stoppage nga kadaugan batok kang Loujie Baguio sa Tatus Muay Thai.

Si Ybañez, 14, migamiot sa iyang gikahadlukang mga patid ug agresibong abilidad aron lupigon si Baguio. Mirehistro sab og 2nd round stoppage si Buen Algono batok kang Chnianel Bohol sa 7 Stars MMA.

Laing midaog pinaagi sa 2nd round stoppage si Prime Melocoton batok kang Garry Cabang sa Arcomjukai Kickboxing Club. Si Clint Jun Bahala mipaundang kang Jack Bruno sa Tatus Muay Thai sa 3rd round.

Ang bugtong fighter sa Yaw-Yan Ardigma ni Master Beningno “Ekin’ Caniga Jr. mao si Nigerian Simon Uche, kinsa napilde pinaagi sa desisyon ni Ginnoji Andales sa JB Dream Fitness Gym. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph