DSWD 7 mo-update sa iyang ‘Listahan’

NING Oktubre 2019, ang Department of Social Welfare and Development (DSWD) 7 magsugod sa 3rd round sa Listahanan bahin sa mga panimalay sa tibuok rehiyon.

Kapin sa usa ka milyon ka mga balay sa tibuok rehiyon 7 ang pagasusi sa team sa DSWD field staff gikan sa Cebu, Bohol, Negros Oriental ug Siquijor provinces.

Naglakip kini sa kapin sa 200,000 Pantawid beneficiaries nga kinahanglan nga ma-assess o masusi pagbalik.

Ang Listahanan 7 nikuha og 1,484 Enumerators, 277 Area Supervisors ug 50 Area Coordinators sa rehiyon 7.

Kini nga field staff ipaubos sa usa ka semana nga subsob nga pagbansay aron paghatag og igong kapasidad sa kahibalo ug kahanas nga ilang magamit sa pagsuroy sa kabalayan aron paghimo sa assessment og pakisusi.

Sa sayo pa, usa ka serye sa orientations uban sa Local Government Units (LGUs) ug DSWD’s City and Municipal Action Team (CMAT) leaders ang gipahigayon sa kalihokan sa L3 activities ug pagdasig kanila sa pagsuorta sa L3 assessment.

Si Listahanan 7 head, Hillton John V. Edrial, niawhag sa field staff sa pag-andam sa ilang paghimo sa pagsusi sa kabalayan nga puno sa daghang hagit.

Dugang pag, ang importante mao ang paseguro sa insakto nga impormasyon nga makuha nga gikinahanglan sa pag-umol sa kalidad nga Listahanan data.

Listahanan o National Household Targeting System for Poverty Reduction (NHTS-PR) usa ka information management system nga nag-ila kina ug asa ang mga kabus.

Ang data nga makuha ipaambit ngadto sa kagamhanan o private institutions isip basihanan sa social protection programs beneficiaries.

Ang data kinahanglan nga updated matag upat ka tuig subay sa mando sa Executive Order (EO) 867. (PR)