Lalake ‘gi-salvage’, napalgan

GI-SALVAGE: Napalgan nga patay ug ginapos sa sitio Kabasaan Barangay Tagbao, Dakbayan sa Sugbo kining usa ka lalake nga gituohang gi-salvage. Nakit-an ang lawas dihang usa ka lalakeng nagmotorsiklo nag-ilis sa iyang ligid alas 9 pasado sa Miyerkules sa buntag, Oktubre 2, 2019. (Alan Tangcawan)
GI-SALVAGE: Napalgan nga patay ug ginapos sa sitio Kabasaan Barangay Tagbao, Dakbayan sa Sugbo kining usa ka lalake nga gituohang gi-salvage. Nakit-an ang lawas dihang usa ka lalakeng nagmotorsiklo nag-ilis sa iyang ligid alas 9 pasado sa Miyerkules sa buntag, Oktubre 2, 2019. (Alan Tangcawan)

USA ka tawo nga ginapos ang mga tiil ug kamot napalgan nga patay sa hilit nga lugar sa sitio Kabasaan, Barangay Tagbao, Siyudad sa Sugbo alas 9 sa buntag niadtong Miyerkules, Oktubre 2.

Matod ni Police Corporal Michael Angelo Singson, imbestigador sa Talamban Police Station, nga nakadawat silag tawag sa barangay nga adunay napalgan nga lawas sa tawo sa maong lugar.

Giingong usa ka lalake nga nagmotor ang nakadiskobre sa dihang nihunong siya sa dapit aron susihon ang ligid sa iyang motor.

Nakapanimaho siyag patay hinungdan nga iyang gipangita.

Mao nalang ang iyang kakurat nga adunay tawo nga nag-ubo sa ilawom sa kahoy nga ginapos ang duha ka tiil.

Gituohan nga niadto pang Martes sa gabii gipatay ang biktima tungod kay nagsugod na kinig ka baho.

“Kining nakakita ani mi hunong siya kay iyang gi check iyang ligid sa motor. Nya nakasimhot siya nga baho. Iya ning gipangita, didto sa ubos iyang nakita ning patay nga lalake,” matod ni Singson.

Way balay ang dapit diin napalgan ang biktima ug way nakakita sa posibling pag labay niini.

Gituohan sa kapulisan nga gipatay sa laing lugar ang biktima ug diha sa sitio Kabasaan gilabay.

Ila pa usab nga ipasusi kon aduna bay pinusilan ang lawas niini sanglit sa pagbali sa lawas, adunay daghang dugo nga miagas gikan sa nawong niini.

Mga residente sa dapit way niila sa lawas ug sila nagduda nga taga laing barangay nagpuyo.

Gihulagway ang biktima nga naka shorts lang og kolor puwa ug tshirt nga green.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph