ANG Barangay 76-A miharus sa girls championship title sa SBP Under-18 3X3 Davao City eliminations sa Almendras Gym Davao City Recreation Center (DCRC), Martes, Oktubre 1, aron mo-abante sa regional eliminations karong Sabado sa samang venue.
Ang tim sa Barangay 76-A gilangkuban nila Chady Bucao, Leonella Luisa Javier, Maryjane Ortega ug Joanne Arab, midemolis sa Barangay Sto. Niño, 9-5, sa finals sa kompetisyon nga giorganisa sa Samahang Basketbol ng Pilipinas (SBP)-Davao ilawom ni regional director Glenn Escandor.
Suma pa nga ang magduduwa aktibo sa mga liga sa barangay.
Ni Arab, "Dugay nami magkaila. Nagadula-dula nami dugay na pero karon ra mi nabuo para sa tournament nga ingon ani."
Sa boys finals, ang Barangay 10-A mipildi sa Barangay Maa aron makuha ang korona.
Ang Barangay Talomo Proper ug Sasa mipwesto sa ikatulo sa men's ug women's events.
Si SBP referees regional commissioner laywer Francis Calatrava, SBP's Billy Cruzada ug Davies Paints Philippines Inc. business development officer Jeremie Suazo mitunol sa cash prizes sa top three nga tim.
Sagad tims ang magduduwa mga out-of-school youth diin sila mahatagan og oportunidad nga makaduwa sa dagkong liga ug venue.
Ang regional championship himuon karong Dominggo sa Arcadia Gym diin ilugan ang pwesto aron mo-abante sa national finals.