SUPERBALITA CAGAYAN DE ORO

Misamis Oriental target mahimong No. 1 producer sa abaca

TARGET karon sa lalawigan sa Misamis Oriental nga mahimong number one producer sa abaca planting materials sa tibuok kalibutan.

Gibutyag ni Provincial Agriculture Office head Apollo Pacamalan nga target sa lalawigan nga suplayan ang world market ug, sa dili pa matapos ang termino ni Misamis Oriental Governor Bambi Emano, maila ang Misamis Oriental nga numero unong producer sa abaca planting materials.

"Our target is to make Misamis Oriental the number one producer of abaca planting materials in the next three years ug, sa dili pa matapos ang termino ni Governor Bambi Emano, maila ang MisOr (Misamis Oriental) nga producers sa pinakaguwapo nga tissue culture sa abaca sa Rehiyon 10 (Northern Mindanao) ug sa Mindanao," matod ni Pacamalan.

Sa pagkakaron, mas gipakusgan sa Misamis Oriental ang tissue culture laboratory kon diin paspas na nga naka-produce og abaca planting materials ug usa na sa gasuplay sa tibuok rehiyon.

Adunay laumang 100,000 ngadto sa 200,000 abaca planting materials nga gikatakdang ma-produce sa katapusan sa tuig 2019 aron matanom ngadto sa ilawom sa kalubihan, nga ilang gi-identify sa Department of Agriculture nga walay gatanom sa lalawigan.

Ang gibukas nga tissue culture laboratory sa lungsod sa Sugbongcogon niadtong 2018 giingong usa ka maayong balita tungod mas napadasig niini ang pag-produce.

Ning bag-o, sa laboratoryo nagikan ang 3,000 ka mga abaca planting materials nga giapod-apod ngadto sa Barangay Eureka, bag-ohay lang nga kalihokan sa lalawigan.

Gitinguha sa lalawigan nga makakuha og 50 ngadto 80 ektarya nga yuta nga matamnan sa abaca aron makuha ang world market.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph