SAPON sa akto nga nagsuyop ang tulo ka lalaki atol sa drug operation nga gilusad sa El Salvador City Police Station sa Barangay Molugan, Dakbayan sa El Salvador, Misamis Oriental alas 4:30 sa hapon Martes, Oktubre 1, 2019.
Sa inisyal nga imbestigasyon sa El Salvador Police Station nga gipangulohan ni Police Lieutenant Colonel Randy Anito, nasuta nga target lang unta sa operasyon mao si Antonio Daloro, kinsa usa ka wanted personality ug adunay nakaatang nga warrant of arrest nga giisyu sa korte.
Apan atol sa pagsikop, nasapon kini sa akto nga nag-pot session kuyog sila si John Dariel Amaro Mondejar ug John Paul Sino Bacor.
Gitingkagol sa prisuhan ang tulo. Ang duha nga lakip sa pot session moatubang pud sa kasong kalapasan sa Republic Act 9165 o ang Comprehensive Dangerous Drugs Act of 2002.