SUPERBALITA CAGAYAN DE ORO

3,000 na ang NPA surrenderer

GIKUMPIRMAR sa 4th Infantry Division-Philippine Army (4ID-PA) nga moabot na ngadto sa 3,000 kapin ang nitahan nga sakop sa Communist Party of the Philippines-New People's Army (CPP-NPA) sa area sa Northern Mindanao ug Caraga Administrative Region.

Gibutyag ni 4ID Commander Major General Nemesio Franco Gacal nga sugod sa bulan sa Enero 2019 moabot sa lapas 3,000 ka surrederees ang natala sa ilang bahin.

Subay niini, mokabat sab sa 100 kapin ka mga barangay ang mideklarar nga persona non grata batok sa NPA.

Giangkon ni Gacal nga dako pa kini nga butang nga trabahuon gumikan kay daghan na ang ni-surrender, lakip ang mga miyembro sa masa ug ang mga naghupot sa armas.

"Malaki pa ang tatrabahuin in a sense na kalat pa ang problema ng ating insurgency ng area ng 4th Division pero we are gaining headway," matod ni Gacal.

Dugang niini nga sa mga barangay nga mideklarar og persona non grata, wala pa sukad nahitabo nga narekober kini og balik sa walhong grupo.

Gilauman niini nga masustiner ug padayon ang pagdasig sa walhong grupo nga mo-surrender na.

"Inaasahan nating ma-sustain ito kasi ang pag-declare ng persona non grata, ito ay isang very strong statement o political statement coming from the community na ayaw na nila sa NPA," matod ni Gacal.

Dako ang kumpiyansa ni Gacal nga mapadayon kini ug naghinaot nga unta masunod kini sa ubang mga barangay.

"Very confident kami na ito'y mapagpapatuloy dahil ang involved dito ay hindi lang local government o local chief executive, regional director o barangay captain but tayo mismo," panapos ni Gacal.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph