Patayng lawas nga napalgan sa Tagba-o nailhan na

KARONG gabie lang gi kompirmar sa Talamban Police nga nailhan na ang batan-ong lalake nga gituohang biktima sa salvage sa bukirang barangay sa Tagba-o, Siyudad sa Sugbo.

Si Police Corporal Michael Angelo Singson, naghawid sa maong kaso nga nahinabi sa telepono sa Superbalita Cebu karong gabii, niila sa biktima nga si Jouie Lee Villagonzalo, taga Barangay Sambag 2, siyudad sa Sugbo.

Si Villagonzalo usa ka call center agent.

Ang amahan sa biktima nga si Luisito maoy mitawag sa ilang estasyon ug mipahibalo nga iyang anak ang napalgan sa Barangay Tagba-o sa Miyerkules sa alas 9 sa buntag.

Sa kasamtangan, wala pay matumbok nga motibo ang kapulisan sa pagpatay kang Villagonzalo. (Benjie B. Talisic)