ANG magsuong Tancontian nga sila Sydney ug Chino sa Davao City, human midaug og gold ug bronze medals, sa 2019 Asian Sambo Championships sa India, mobandera na sab sa bandila sa Pilipinas sa World Youth and Juniors Sambo Championships karong Oktubre 9 ngadto 12 sa Tashkent, Uzbekistan.
Si Sydney, 19, nga mipildi kang Arailym Abenova sa Kazakhstan sa finals sa women's sa maong torneyo nagkanayon nga kini parte gihapon sa iyang tune-up preparations sa 30th Southeast Asian (SEA) Games karong Nobyembre 30 ngadto Disyembre 11.
May halos duha ka semana lang sila nga pahuway human nakigbugno sa India ang 18-anyos nga si Chino nga miangkon og bronze sa junior -82 kilograms division una misabak sa laing international event.
"Hoping po na manalo ng medal sa world juniors kasi last year po, I fell short," ni Tancontian nga mihuman sa ikapitong pwesto sa nakalabay nga tuig.
Niadtong Septyembre 2019, nakapupo siya og bronse sa 2019 Chungju World Martial Arts Masterships sa Chungju, South Korea.
Kini ang ikatulo niyang bronze sa world tournament. Ang unang world bronze nga nadag-an sa World Sambo Championships 2018 sa Bucharest, Romania samtang ang sunod sa 2019 Sambo World Cup Kharlapiev Memorial Competition sa Moscow, Russia, Marso 2019.
Si Chino, nga naghinam-hinam human makuha ang unang Asian medal sa Southeast Asian nagsulti nga di kaayo niya i-presyur ang kaugalingon nga angkunon ang taas nga pwesto sa World Youth ug Juniors debut.
"Siguro po di po masyadong mataas pero I will try my best to show what Philippines sambo worked hard for in the past year... for giving us such chances and opportunities to compete and show our skills po sa the world level," niya sa Sun.Star Davao.
Ang six-footer University of Santo Tomas (UST) judo varsity scholar nagpasalamat sa Philippine Sports Commission, iyang tunghaan, ginikanan ug coaches sa ilang suporta.
--
Magbanua, Yngayo nanguna sa Unit 5 chessfest
ANG top seeds Wesley Jovan Magbanua ug Irish Yngayo miangkon og gold medals sa Unit 5/Davao City Prisaa Meet chess competition sa Emar Human and Environmental College (Ehec) sa Matina, Davao City.
Si Magbanua sa Jose Maria College nanguna sa secondary boys division uban ang perfect six points, gipildi sila Echoel Russ Dangi, Jay-R Aguinaldo, Alfred Abay-Abay, Gilbert Torres, Lean Amier Mantiquilla ug James Rhie Leigh Sullano.
Si JMC's Rodel Buenafe nabutang sa ikaduha uban ang 5.5 points sunod si Torres (4.5) sa Emar sa ikatulo.
Si Magbanua ug Buenafe mihipus og 11.5 points aron maalsa ang JMC sa golden finish sa team event samtang si Torres ug Leonard Niel Jubane (7.0) sa Emars mikuha sa silver ug University of Mindanao (UM) Main's Von Oliver Alzate ug Sullano (6.0) sa bronse.
Si Yngayo sa UM miharus sa five matches aron manguna sa secondary girls class kontra four-pointers Roselle Vienne Guevara ug Charlene Moulic sa JMC.
Sa elementary division, UM Main's Ram Isaac Gian Vilchez ug Caerel Shane Mantilla misipa og gold. (Marianne L. Saberon-Abalayan)