Iro gibansay pagsimhot og mga karneng baboy

(Amper Campaña)
(Amper Campaña)

LABING una ug nag-inusarang pork detecting dog sa nasod nia sa Sugbo ug gipaila sa media kagahapon, Huwebes, Oktubre 3.

Ang talagsaong iro ginganlan og 'Poochie', usa ka Golden Retriever, ubos sa pag-atiman sa Philippine Coast Guard (PCG) Central Visayas (CV), kansang mao ang nagbansay sa iro.

Kabahin sa operasyon sa panagang sa pagsulod sa African Swine Fever sa Central Visayas sa Sugbo, ang naasoy nga iro makadeterminar kon ang usa ka package dunay karne sa baboy.

Sumala sa tigpamaba sa PCG 7 Lieutenant Junior Grade (LTJG) Michael John Encina nga Agusto 1 dihang gisugdan nila og pagbansay ang iro diin makasimhot usab kini og drugas.

Subay na usab sa maong kalamboan, ang ulohang buhatan sa Department of Agriculture pinaagi sa Bureau of Animal Industry nisulod og kasabutan sa ulohang buhatan sa PCG aron magbansay kini og laing 30 ka K9 dogs aron maka-detect usab og karneng baboy.

Molungtad sa unom ka buwan ang training sa 30 ka mga K9 dogs.

Lakip sa ma-detect ni Poochie, ang karne sa baboy, frozen ug raw, processed meat susama sa hotdog, tocino, ug uban pa.

Dugang ni Encina nga maka-detect usab kini og canned meat.

Ang trainer ug handler ni Poochie nga si Seaman Second Class Kristofferson Bitoy nipasabot nga mohunong ang maong iro ug motan-aw niya kon positibo ang usa ka package nga aduna’y karne.

Nipakita usab kini kon unsaon sa maong iro pagsimhot ug pag-detect nga karne ang naa sa sulod sa package.

“This effort by the Coast Guard Central Visayas this is to address yung mga existing EO issued by the Province of Cebu such as yung EO 16 wherein banning all the live hogs, pork, and pork related products entry in the Province of Cebu,” matod ni Encina.

Dugang ni Encina nga si Commodore Ronnie Gil Gavan mismo nihimo sa inisyatibo aron mahatagan og tubag ang detection capability sa Task Force ASF.

“We already have the intelligence information gathering and inspection but the gap here is yung detection capability ng Task Force ASF, is sa mga nakita sa ating district commander dito sa Coast Guard Central Visayas si Commander Gavan is to fulfill yung gap na yun, which is detection capability. The PCG has developed yung mga K9 dogs para masanay sa ibat-ibang modes of detections such as narcotics, search and rescue operation, bomb sniffing dogs natin,” dugang niya.

Malaumon usab ang PCG 7 nga mahatagan og laing K9 nga nabansay na sa kaulohan aron madungagan si Poochie.

Ang deployment sa maong iro lukop Central Visayas.

Dinhi sa CV, labina sa lalawigan sa Sugbo nga adunay daghang pantalan padulong sa nagkalainlaing dapit sa Kabisay-an, Luzon ug Mindanao,

Ang Sugbo sentro usab sa pamatigayon sa nasod hinungdan sa kabalaka sa awtoridad nga ipalusot nga karneng baboy dinhi sa Sugbo.

Ang task force sa ASF hugot nga nag-monitor nga dili makasud ang virus. (HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph