DEAD on arrival nga gideklar sa doktor ang usa ka lolo human unang na side swiped ang motorsiklo niini naligid miresulta nalatayan sa trak mga alas 8:40 sa buntag niadtong Huwebes, Oktubre 3, sa San Pedro St. Kauswagan Pasil Diversion Road Highway, Dakbayan sa Cagayan de Oro.
Giila ang biktima nga mao si Romeo Miranda Lim, 65, minyo, ug residente sa Zone-4 Pasil Kauswagan.
Sa inisyal nga imbestigasyon sa traffic investigator sa Police Station 4 (PS4) sa Carmen nga mao si Police Master Sergeant Francisco O. Tumanda Jr., nasuta nga samtang paingon sa dalan ang usa la HOWO Truck Tanker nagdala sa plaka LNG 389 gimaneho ni Mr. Rolly Duhan Maling.
Giingong wala namatikdan niini ang motorsiklo nga giingon sa mga nakasaksi nga naa kini sa kilid ug milusot, apan wala kamatikod ang driver hinungdan nasapon ug naligid ang motorsiklo niini.
Nalatayan ang toung bahin sa biktima.
Gidali ug tabang ug gidala pa sa Northern Mindanao Medical Center, apan gideklarar nga dead on arrival sa mga doktor.
Detinado na karon sa prisuhan sa Police Station 4 ang suspek.