PIPILA sa kanhi sakop sa New People's Army (NPA) nga karon mga surrenderer ug balik sabakan sa gobyerno ang nakabilib sa gipakitang makatao sa mga sundalo.
Kini gumikan sa bag-ohay lang nga engkwentro sa Bukidnon pipila sa nasamdan gisuwayan pa og luwas sa mga sundalo.
Matud ni Captain Ryan Delgado Layug, Civil Military Operations Officer ug Spokesman sa 403rd Brigade, nibutyag sa SunStar Superbalita nga ilang giobserbar ang International Humanitarian Law (IHL) hinungdan nga lakip sab sila sa masubo kung dili malikayan mapatay ang walhong grupo sa engkwentro.
Gani sulti sa mga surrenderers kanila nga layo kaayo ang kalainan tungod kay daw daghan sa walhong grupo giunay og patay labina mahibaloan nga informant.
"While NPA kill their members nga dudahan nga amo informant... While their comrades kill them, we try our best to save them," matud ni Layug ug miingon nga duna silay sakop karon nga kanhi NPA ug sundalo na karon nga makatestimonya niini.
"She was around 13 years old atong nasamaran siya as NPA member. Gibiyaan siya. Among gipatambalan ug gipaeskwela...sundalo na siya ron sa 4ID ug Sergeant na iya rank," dugang niini.
Dugang ni Layug sayod siya nga ang mga sundalo nagsakripisyo sa trabaho.
"Kabalo ko how my colleagues work and sacrifice their lives not to kill NPA, but to save them and our young children from being recruited," butyag niini.