MOSUGOD karong adlawa, Oktubre 5, 2019, ang Cluster 1 elimination round sa Governor Gwen Garcia Unity Volleyball Cup sa Minglanilla Sports Complex.
Magsangka ning tipik sa kompetisyon mao ang mga lungsod sa Argao, Minglanilla ug San Fernando lakip na ang mga dakbayan sa Naga ug Talisay.
Ang mopatigbabaw ning maong tapok makapanag-iya og P20,000 samtang runner-up makabulsa og P10,000.
Ang kompetisyon mosubay sa single round robin diin ang mopatigbabaw nga duha human niini mao ang makaabante.
Magsugod ang hinampakay sa alas 9:00 sa buntag.
Motapon ang torneyo ugma, Oktubre 6, 2019, sa Diosdado Macapagal Sports Complex sa Argao. (JNP)