Tambagi ko Noy Kulas: I love you, Mam

DEAR Noy Kulas,

Tawga lang ko sa alyas nga Meo, 18 years old, naa sa first year college. Sukad sa pag teenager nako, wa pa ko kasuway og uyab-uyab kay strict akong parents. Bitaw seryuso ko, di ni joke. Karon pag college na ko, na-close nako ang usa ka teacher nga new ra sa school. Pero di kaayo mi magpaklaro sa school kay mahadlok siya nga makit-an mi. Mag-chat ug magtawganay mi kada gabii.

Na-develop na ang akong feeling para niya. Mingawon na ko og maayo ug she is all over me basta naa ko sa school. Gusto ko manguyab niya pero basin mahibaw-an sa school, ma-sanction unya ko kon mahibaw-an nanguyab ko og maestra. Di mi lagyo og edad kay naa siya sa early 20s. Magkasinabot kaayo mi sa hapit tanang butang, reason nga nagka close mi og maayo bisan duna na siyay boyfriend ug kaslon sila next year.

Unsa kahay akong buhaton? Sultihan kaha nako siya sa akong feeling niya? Di kaha siya masuko or basin makaguba ko sa ilang relationship? Noy, I really need your advice.

MEO

Meo,

Wa may babag kon imo siyang sultihan sa imong gibati ngadto niya. Unya dako ang kahigayunan nga siya ganahan nimo kay way babaye o lalake nga mogahin og panahon nga way interest sa pikas, labina kay pulos mo mga batan-on. Dako ang possibility nga mutual ang inyong feeling. Di hinuon ko 100 percent sure but most likely, ganahan usab siya nimo.

Be prepared kon masuko siya nimo, kana kon sayop ko sa akong pangagpas. But mas maayo sab na nga imong mahibaw-an kon unsay iyang na-feel para nimo aron di ka usab magdahom ug mag-usik sa imong panahon. Andama lang ang imong kaugalingon. Apan kon sakto ko sa akong pangagpas, dunay kahigayunan nga mag level up mo sa inyong relasyon, gikan sa friendship ngadto sa into more intimate relationship.

Makaguba ba kini og relasyon? Posible, apan let her decide. Estudyante pa baya ka while kana tingaling iyang uyab naa na sa hustong edad ug capacity nga mo settle down. Busa apil na sa inyong estoryahan puhon. Sa gihapon pangandam unsa may inyong padulngan.

NOY KULAS

Alang sa imong problema, e-mail sa kulassuper@sunstar.com.ph ug rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph