MGA bus ug mini bus di paagion sa Cebu South Coastal Road karong Oktube 15, 2019.
Samtang gipahibawo ang mga motorista nga ang dan sa South Road ilabi na atubangan sa city hall sirad-an tungod sa Inasal Halad Festival.
Ning semaha lang, Oktubre 1, gitugtan na sa pagpaagi sa N. Bacalso sa Tabunok hangtud sa Mambaling, Dakbayan sa Sugbo ang mga bus ug mini bus ug nga gitugtan gihapon usab sila nga makaagi sa CSCR.
Ang Kagamhanan sa Siyudad sa Talisay nipahibawo ug nihangyo sa mga bus ug mini bus operators ug drivers nga sabton sila nga sa Oktubre 15, sulod sa lima ngadto sa unom ka oras, di una sila tugtan nga makaagi.
Atol sa maong adlaw, sa kahapunon, temporaryo una nga sila tanan adto paagion sa dan N. Bacalso.
Sugod sa alas 12 sa udto hangtod sa alas 5 sa hapon, sirad-an ang mga tulo ka kilometro nga dan, gikan sa N. Bacalso St. corner South coastal road hangtod na sa corner Barangay San Isidro.
Ang dan nga sirad-an kadto lang agianan sa mga sakyanan nga gikan sa habagatang bahin padulong sa Siyudad sa Sugbo.
Samtang ang pikas nga bahin, sa mga sakyanan gikan sa Cebu City ngadto Southern Cebu himuon una nga two-way nga da’n apan alang sa mga light vehicles ug mga delivery trucks..
Kini alang sa paghatag kahigayunan sa mga mananayaw, mamistahay ug mga bisita nga mosalmot sa Halad Inasal festival.
Adunay himuon nga street dancing.
“Pahibalo ta nga sa Oktubre 15, mohangyo nga sa pagpahigayon sa Halad Inasal Festival, expect og 1,500 to 2,000 ka mga tawo ang magparada sa da’n, gikan sa atubangan sa City hall sa (Cebu South Coastal Road) hangtud sa Talisay City Central School, (sa barangay Poblacion), pagpahibalo ni Jonathan Tumulak ang pangulo sa City of Talisay-Traffic Operations and Development Authority (CT-TODA).
Matod ni Tumulak nga nakig-alayon na sila sa duha mga lokal nga kagamhanan ang dakbayan sa Sugbo ug lungsod sa Minglanilla, alang niini.
Giawhag usab niya ang mga motorista ug mga pasahero nga planuhon na daan ang ilang mga lakaw sa maong adlaw.
Kay napanlantawan ang paghuot sa trapiko tungod usab kay adlaw kana sa ting-sweldo. (FMD)