DI MOMENOS sa P2 milyon nga balor sa gituohang shabu ang nasakmit atol sa gipahigayon nga buy-bust operation sa kapulisan sa City Drug Enforcement Unit sa Barangay Tingub, Dakbayan sa Mandaue alas 6 sa gabii, Biyernes, Oktubre 4, 2019.
Gipangulohan ni Police Major Regino Maramag sa Mandaue City Police Office (MCPO) ang operasyon.
Nasikop ang high-value target nga si Rommel Depariene Llatona, 23, taga Barangay Pahina Central sa Dakbayan sa Sugbo.
Nakuha gikan sa suspek ang unom ka dagkong putos sa gidudahang shabu nga may gibug-aton nga 300 gramos ug mobalor sa P2, 040,000.
Natanggong ang suspek sa MCPO ug moatubang sa kasong kalapasan sa RA 9165 o ang Comprehensive Dangerous Drugs Act of 2002. (ANV)